Hammaga ma’lumki, Gollivudda mashhurlikni saqlab qolish uchun yangi rollar, personajlar, obrazlarni o‘zgartirish kerak... Hech kim bir martada va bir umrga mashhur bo‘la olmaydi. Kimdir shon-shuhrat osmonida yillar davomida porlaydi, boshqalari esa ekranlardan g‘oyib bo‘ladi.
Tobi Maguayr
Tobi Maguayr 2002-yildan 2007-yilgacha “O‘rgimchak odamning” uchta filmida rol o‘ynagan, keyinchalik uning o‘rnini Endryu Garfild va Tom Xolland egallaydi. Shundan so‘ng Maguayr ekranlardan deyarli g‘oyib bo‘ldi. 2013-yildagina “Shovvoz Getsbi” va bir nechta muvaffaqiyatsiz filmlarda rol o‘ynadi.
Hayotda ham unga omad kulib boqmadi: u noqonuniy poker klubiga aralashib qolib, rafiqasi Jennifer Meyer bilan ajrashadi. Biroq 2019-yil mart oyida u yosh model bilan birga ko‘rinish bergan, balki keyingi o‘n yil uning uchun muvaffaqiyatli bo‘lar.
Teylor Lotner
“Sumerki” filmida Jeykob Blek rolini o‘ynaganidan so‘ng, aktyorning kelajagi porloq ekaniga hech qanday shubha yo‘q edi. Ammo Robert Pattinson va Kristen Styuartdan farqli o‘laroq Teylor Lotnerning omadi kelmadi. Keyinchalik u o‘ynagan deyarli barcha yangi loyihalar muvaffaqiyatsizlikka uchradi va kichik rollar tanilishiga imkon bermadi. “Qichqiriqlar malikasi” teleserialidagi roli muvaffaqiyatli bo‘ldi, ammo loyiha ikkinchi mavsumda davom ettirilmadi.
Jessika Alba
“Qora farishta”, “Gunohlar shahri”, “Fantastik to‘rtlik” va sokin hayot. Aytishlaricha, ssenariy mualliflari uni o‘z asarlari haqida yomon gapirgani uchun yoqtirmay qo‘ygan. Ammo Alba bu vaqt mobaynida turmushga chiqdi, uch nafar farzandli bo‘ldi va hozirda biznes bilan shug‘ullanadi.
Ketrin Xeygl
“Sevgi anatomiyasi” filmidagi Izzi Stivens rolidan keyin u Gollivudning eng yaxshi aktrisalari ro‘yxatiga kirishi mumkin edi. Lekin bu sodir bo‘lmadi. Xeygl suratga olish maydonchasidagi muammolar tufayli urushaverib, serial ijodkorlarining birinchi raqamli dushmaniga aylandi. U bir nechta muvaffaqiyatli bo‘lmagan filmlarda rol o‘ynagan va omadsiz rollari uchun bir necha bor tavba qilgan.
Lindsi Lohan
“Xosiyatsiz juma” va “Yomon qizlar” filmlarining muvaffaqiyati, afsuski, boshqa qaytarilmadi. Aktrisa giyohvand moddalarga berilib ketadi va suratga olish maydonchasida o‘zini juda yomon tutadi. “Kanyonlar” filmini suratga olishning birinchi kunidayoq qo‘ng‘iroq qilib, o‘zini yaxshi his qilmayotganini, ertaga borishini aytadi. Lekin shu bilan qorasini ko‘rsatmaydi. U o‘z nomi bilan atalgan realiti-shou ham boshlagandi, ammo birinchi mavsumdan keyin loyiha tugatiladi.
Mettyu Foks
“Hayot-mamot” serialini tomosha qilgan har bir kishi Jek rolini ijro etgan aktyorni eslaydi. Aktyor keyinchalik kichik rollarda ham ko‘rinish berdi, ammo ularning nomlarini deyarli hech kim eslay olmaydi (“Imperator”, “Tomahavk”). Mettyuning aytishicha, u faqat qiziqarli ssenariylarni tanlaydi, hamma loyihalarga rozi bo‘lavermaydi. Nima ham deymiz, bu uning tanlovi.
Izoh (0)