Fil kastinglarida aktyor va aktrisalar o‘zining rolga mosligini isbotlash uchun mahorat va qobiliyatlarni namoyish etadi. Natijada direktor va prodyuser muayyan vazifalar uchun to‘g‘ri keladigan nomzodni tanlaydi. Ammo ba’zida rad etilgan aktyorlar o‘zlariga ishongan holda bu rolga faqat ular munosib ekaniga film ijodkorlarini ishontira oladi.
Riz Uizerspun “Qonundagi mallasoch” ijodkorlariga u yoqimsiz emasligini isbotlashi kerak bo‘lgan
Riz Elle Vuds rolini olishga harakat qilganda, studiya unga shubha bilan qaragan. Ular Rizni yoqimtoy mallasoch qiz roli uchun mos emas deb topgan.
O‘sha paytda Riz pulga juda muhtoj edi, shuning uchun u rolni qo‘ldan chiqarmaslikka harakat qiladi. U studiya rahbarlarining suhbatiga yetib kelgunga qadar bir necha kastinglarda qatnashadi. Yakuniy intervyuda aktrisa kollejni tashlagan va hech qachon ayollar klubi a’zosi bo‘lmagan bo‘lsa ham, talabalik hayoti haqida gapirib beradi. Qanday bo‘lmasin, Uizerspun orzu qilgan rolini olishga muvaffaq bo‘ladi.
Kristian Beyl “Amerikalik psixopat” filmini suratga olish ishlaridan oldin raqiblaridan qutulishning ayyorona usulidan foydalangan
Dastlab “Amerikalik psixopat” filmiga bosh rol uchun Leonardo Di Kaprio va Yuan Makgregor nomzodi ko‘rib chiqiladi. Va bu holat filmda rol o‘ynashni orzu qilgan Kristian Beylga yoqmaydi. Avvaliga kinostudiya vakillari u haqida hech narsa eshitishni ham istamagan bo‘lsa-da, aktyor hiyla yordamida rolni qo‘lga kiritishga qaror qiladi.
Beyl raqiblari bilan bog‘lanib, ularga bu rolni yomonlaydi, bu ularning karyerasiga salbiy ta'sir qiladi, deydi. Asosiy nomzodlar rolni rad etishgach,film ijodkorlarining u bilan bog‘lanib, uni suratga olishga taklif qilishdan boshqa iloji qolmadi.
Rad etilganidan so‘ng Julia Roberts tashqi qiyofasini o‘zgartiradi va “Mistik pitssa” filmidagi kastingda yana omadini sinab ko‘radi
Julia Robertsning tashqi ko‘rinishi tufayli “Mistik pitssa” filmidagi rolga uni olishni istashmagan. Film ijodkorlari ularga portugallarga o‘xshaydigan qiz kerakligini, shuning uchun ular Juliyaning ijrosidan juda mamnun bo‘lishsa-da, uni rad etishga majbur ekanliklarini tushuntiradi.
Roberts shu zahoti do‘konga borib, oxirgi sentlariga qora muss sotib oladi, sochini bo‘yaydi. Muss shu qadar sifatsiz bo‘ladiki, soch bo‘yash paytida aktrisaning qo‘llari qorayib ketadi. Ammo u qora sochda kasting menejerlari oldiga chiqishga va rolni qo‘lga kiritishga muvaffaq bo‘ladi.
Ledi Gaga “Yulduz tug‘ildi” filmi ijodkorlarini uning sahnadagi personaji filmdagi qahramonni aks ettirmasligiga ishontira oladi
Dastlab “Yulduz tug‘ildi” filmida Beyonse bosh rolni o‘ynashi kerak edi. Ammo qo‘shiqchi loyihani tark etadi. Biroz vaqt o‘tgach, Ledi Gaganing nomzodi ko‘rib chiqishga qaror qilinadi. Biroq Warner Bros. vakillari bu fikrga juda salbiy munosabatda bo‘lishadi: ular Ledi Gaga dramatik filmda rol o‘yay olmaydi deb hisoblashadi.
Ammo film prodyuseri qizga imkon beradi. Xonanda kastinglardan o‘tadi va provokatsion kiyim, yorqin makiyajsiz ham e’tiborni jalb qila olishini barchaga isbotlaydi.
Emma Uotson “Elita jamiyati” filmidagi rol uchun haqiqatan ham kurashadi
“Garri Potter”ning suratga olish ishlari tugagandan so‘ng, Emma Uotson tomoshabinlarga yangi obrazda ko‘rinish imkoniyatini qidiradi. Bundan keyin Germiona Grenjer bilan aloqador bo‘lishni xohlamaydi. Aktrisa “Elita jamiyati” kartinasining ssenariysini o‘qiganida, u axloqiy me’yorlarga bo‘ysunmaydigan qiz Nikki rolini olish istagi bilan yonadi.
“Men bu rolni olish uchun haqiqatdan kurashganman. Chunki ko‘pchilik meni yoqimsiz xarakter sifatida tasavvur qila olmasdi. Niki menda mavjud bo‘lmagan barcha fazilatlarni o‘ziga singdirdi”, — dedi aktrisa.
Timoti Shalame e’tiborga tushish uchun “Dyuna” filmi direktorini ta’qib qilgan
Timoti Shalame Deni Vilnev “Dyuna” romanini asosida film suratga olmoqchi ekanligini bilgach, bosh rolga ega bo‘lish uchun ishga kirishadi. Aktyor kompyuter texnologiyalari yordamida noodatiy strategiya ishlab chiqadi. Timoti o‘z brauzerida maxsus ogohlantirishlarni o‘rnatadi: tarmoqda direktorning ismi ko‘rsatilgan yangi ma'lumotlar paydo bo‘lganda, bildirishnoma keladi.
Shu tarzda Shalame Vilnev ishtirok etadigan bazmlar haqida bilib oladi. Keyin u o‘sha joylarga borib, rejissorning ko‘ziga tez-tez tush boshlaydi. Natijada Denis Timotini “Dyuna” filmiga taklif qiladi. Keyinchalik rejissor aytishicha, u Pol rolida Timoti Shalamedan boshqa hech kimni tasavvur qilmagan. Vilnev boshidanoq Shalameni loyihaga taklif qilmoqchi bo‘lganmi yoki aktyorning makkorona taktikasi ish berdimi, bu hozircha noma’lum.
Izoh (0)