Ҳаммага маълумки, Голливудда машҳурликни сақлаб қолиш учун янги роллар, персонажлар, образларни ўзгартириш керак... Ҳеч ким бир мартада ва бир умрга машҳур бўла олмайди. Кимдир шон-шуҳрат осмонида йиллар давомида порлайди, бошқалари эса экранлардан ғойиб бўлади.
Тоби Магуайр
Тоби Магуайр 2002 йилдан 2007 йилгача «Ўргимчак одамнинг» учта фильмида рол ўйнаган, кейинчалик унинг ўрнини Эндрю Гарфилд ва Том Холланд эгаллайди. Шундан сўнг Магуайр экранлардан деярли ғойиб бўлди. 2013 йилдагина «Шоввоз Гетсби» ва бир нечта муваффақиятсиз фильмларда рол ўйнади.
Ҳаётда ҳам унга омад кулиб боқмади: у ноқонуний покер клубига аралашиб қолиб, рафиқаси Женнифер Меер билан ажрашади. Бироқ 2019 йил март ойида у ёш модель билан бирга кўриниш берган, балки кейинги ўн йил унинг учун муваффақиятли бўлар.
Тэйлор Лотнер
«Сумерки» фильмида Жейкоб Блек ролини ўйнаганидан сўнг, актёрнинг келажаги порлоқ эканига ҳеч қандай шубҳа йўқ эди. Аммо Роберт Паттинсон ва Кристен Стюартдан фарқли ўлароқ Тэйлор Лотнернинг омади келмади. Кейинчалик у ўйнаган деярли барча янги лойиҳалар муваффақиятсизликка учради ва кичик роллар танилишига имкон бермади. «Қичқириқлар маликаси» телесериалидаги роли муваффақиятли бўлди, аммо лойиҳа иккинчи мавсумда давом эттирилмади.
Жессика Альба
«Қора фаришта», «Гуноҳлар шаҳри», «Фантастик тўртлик» ва сокин ҳаёт. Айтишларича, сценарий муаллифлари уни ўз асарлари ҳақида ёмон гапиргани учун ёқтирмай қўйган. Аммо Альба бу вақт мобайнида турмушга чиқди, уч нафар фарзандли бўлди ва ҳозирда бизнес билан шуғулланади.
Кетрин Хейгл
«Севги анатомияси» фильмидаги Иззи Стивенс ролидан кейин у Голливуднинг энг яхши актрисалари рўйхатига кириши мумкин эди. Лекин бу содир бўлмади. Хейгл суратга олиш майдончасидаги муаммолар туфайли урушавериб, сериал ижодкорларининг биринчи рақамли душманига айланди. У бир нечта муваффақиятли бўлмаган фильмларда рол ўйнаган ва омадсиз роллари учун бир неча бор тавба қилган.
Линдси Лоҳан
«Хосиятсиз жума» ва «Ёмон қизлар» фильмларининг муваффақияти, афсуски, бошқа қайтарилмади. Актриса гиёҳванд моддаларга берилиб кетади ва суратга олиш майдончасида ўзини жуда ёмон тутади. «Канёнлар» фильмини суратга олишнинг биринчи кунидаёқ қўнғироқ қилиб, ўзини яхши ҳис қилмаётганини, эртага боришини айтади. Лекин шу билан қорасини кўрсатмайди. У ўз номи билан аталган реалити-шоу ҳам бошлаганди, аммо биринчи мавсумдан кейин лойиҳа тугатилади.
Мэттью Фокс
«Ҳаёт-мамот» сериалини томоша қилган ҳар бир киши Жек ролини ижро этган актёрни эслайди. Актёр кейинчалик кичик ролларда ҳам кўриниш берди, аммо уларнинг номларини деярли ҳеч ким эслай олмайди («Император», «Томаҳавк»). Мэттьюнинг айтишича, у фақат қизиқарли сценарийларни танлайди, ҳамма лойиҳаларга рози бўлавермайди. Нима ҳам деймиз, бу унинг танлови.
Изоҳ (0)