Futbol bo‘yicha Belarus Oliy Ligasining 13-turida “Energetik-BGU” 3-iyul kuni “BATE” maydonida mehmon bo‘ldi.
Uchrashuvning dastlabki daqiqalaridayoq mezbonlar hisobda oldinda o‘tib oldi. Bunga mehmonlar 73-daqiqada Bobur Abduxoliqovning goli bilan javob qaytardi. O‘zbekistonlik futbolchining penaltidan yo‘llagan zarbasidan avvalgi darvozabon bartaraf etdi, qaytgan to‘pni Boburning o‘zi darvozaga joylab qo‘ydi.
Asosiy tarkibda maydonga tushgan Abduxoliqov hakam tomonidan qo‘shib berilgan vaqtda zaxiraga olindi. Shuningdek, minskliklar safida harakat qilayotgan O‘zbekiston vakillari Shohruh Abdurahmonov va Abduqodir Husanov maydonda to‘liq harakat qildi.
Belarus Oliy Ligasi
13-tur bahsi
3-iyul, yakshanba
“BATE” — “Energetik-BGU” 1:1
Gollar: 1:0 – 2 Dragun, 1:1 – 73 Abduxoliqov.“BATE”: Bordachev, Malkevich, Filipovich, Nechayev, Kudravets, Dragun, Gromiko (Shumanskiy, 46), Villumsson (Sharkovskiy, 80), Oreshkevich (Vasilevich, 73), Bocherov, Milich.
“Energetik-BGU”: Lukashevich, Makushinskiy, Svirepa (Semyonov, 57; Omelyanchuk, 83), Makavchik, Lavrik, Silinskiy (Pashevich, 78), Abdurahmonov, Rilach, Husanov, Abduxoliqov (Kunskiy, 90), Grishenko (Gvaradze, 59).
Ogohlantirishlar: Husanov (64), Abduxoliqov (90).
Izoh (0)