Tajribali MMA jangchisi Donald Serrone 2-iyul kuni (Toshkent vaqti bilan 3-iyul tongi) bo‘lib o‘tgan UFC 276 musobaqasidan keyin faoliyatini yakunlaganini ma’lum qildi.
“Kovboy” mazkur jangda amerikalik Jim Millerga taslim bo‘ldi. Bellashuvning ikkinchi raundida Miller Serroneni bo‘g‘ish usuli bilan mag‘lub etdi.
“Endi buni yoqtirmayman. Janglarga tayyorgarlik ko‘rish uchun qiyinchilik bilan bunga o‘zimni majburladim va bu hayotimdagi eng uzun mashg‘ulot lageri bo‘ldi.
Hech nimadan nolimoqchi emasman, biroq endi bu ishni sevmayman. Bu juda azobli ish bo‘ldi, bir kun kelib UFC Shon-shuhrat zalidan o‘rin olaman deb umid qilaman”, — deydi Serrone.
39 yoshli yakkakurashchi professional MMA’da 53 ta jang o‘tkazib, ularning 36 tasida g‘alaba qozongan. Donald UFC’dagi faoliyati davomida 23 ta g‘alabaga erishgan va bu promoushen rekordi hisoblanadi.
Izoh (0)