Harrison Ford 50 yildan ortiq faoliyatida birinchi marta “Emmi” mukofotiga nomzod bo‘ldi. Bu haqda Variety xabar berdi.
Ford Apple TV’ning “Terapiya” filmidagi Pol Radd roli uchun “Komediya teleserialidagi eng yaxshi ikkinchi plandagi aktyor” nominatsiyasida mukofotga nomzod bo‘lgan. Fordning qahramoni Kognitiv xulq-atvor terapiyasi markazida katta terapevt va Jeyson Sigel tomonidan ijro etilgan bosh qahramonning hamkasbi hisoblanadi.
83 yoshli Ford o‘z toifasida ikkinchi eng keksa nomzodga aylandi. 2020-yilda “Komediya teleserialidagi eng yaxshi ikkinchi darajali aktyor” nominatsiyasida mukofotga 86 yoshli Alan Arkin “Kominski usuli” filmidagi roli uchun sazovor bo‘lgandi.
77-Emmi mukofoti 14-sentyabr kuni Los Anjelesda bo‘lib o‘tadi. Uni komik aktyor Neyt Bargatze olib boradi. Bu yil nominatsiyalar soni bo‘yicha yetakchilar Apple TV’ning “Bo‘linish” (27 nominatsiya) va “Kinostudiya” (23 nominatsiya) seriallari bo‘ldi.
Izoh (0)