Ijtimoiy tarmoqlarda Qarshi shahriga kirib kelishdagi xavfli chorrahalardan birida Nexia va Lacetti to‘qnashgani tasvirlangan suratlar tarqaldi. Qashqadaryo viloyati holat yuzasidan rasmiy ma’lumot berdi.
Ma’lum qilinishicha, 26-iyun kuni soat taxminan 12:00 larda S.O‘. boshqaruvida bo‘lgan Nexia Shahrisabz—Qarshi avtomobil yo‘lidan, Qarshi shahri tomon harakatlanib kelayotgan bo‘lgan. Avtomobil “Bog‘obod” MFY hududidagi “Sharshara” choyxonasi oldidagi chorrahada qarama-qarshi tomondan harakatlanib kelayotgan haydovchi Q.B. boshqaruvida bo‘lgan Gentra bilan ushbu chorrahadan chap tomonga qayrilib olayotgan vaqtida yo‘l-transport hodisasi sodir etgan.
Avariya natijasida hech kim hech qanday tan jarohati olmagan.
Hozirda mazkur holat yuzasidan Qashqadaryo viloyati IIB YHXB tomonidan surishtiruv olib borilmoqda.
Avvalroq Yangiyo‘lda yuk mashinasi avtobusga borib urilishi oqibatida bir ayol halok bo‘lgani, yana bir yigit jonlantirish bo‘limiga yotqizilgani, Surxondaryoda Isuzu va “KamAZ” to‘qnashib, yonib ketgani, Namanganda multiradar bilan jihozlangan Nexia-3 Lacetti’ga borib urilgani to‘g‘risida xabar berilgandi.
Izoh (0)