Ижтимоий тармоқларда Қарши шаҳрига кириб келишдаги хавфли чорраҳалардан бирида Nexia ва Lacetti тўқнашгани тасвирланган суратлар тарқалди. Қашқадарё вилояти ҳолат юзасидан расмий маълумот берди.
Маълум қилинишича, 26 июнь куни соат тахминан 12:00 ларда С.Ў. бошқарувида бўлган Nexia Шаҳрисабз—Қарши автомобиль йўлидан, Қарши шаҳри томон ҳаракатланиб келаётган бўлган. Автомобиль «Боғобод» МФЙ ҳудудидаги «Шаршара» чойхонаси олдидаги чорраҳада қарама-қарши томондан ҳаракатланиб келаётган ҳайдовчи Қ.Б. бошқарувида бўлган Gentra билан ушбу чорраҳадан чап томонга қайрилиб олаётган вақтида йўл-транспорт ҳодисаси содир этган.
Авария натижасида ҳеч ким ҳеч қандай тан жароҳати олмаган.
Ҳозирда мазкур ҳолат юзасидан Қашқадарё вилояти ИИБ ЙҲХБ томонидан суриштирув олиб борилмоқда.
Аввалроқ Янгийўлда юк машинаси автобусга бориб урилиши оқибатида бир аёл ҳалок бўлгани, яна бир йигит жонлантириш бўлимига ётқизилгани, Сурхондарёда Isuzu ва «КамАЗ» тўқнашиб, ёниб кетгани, Наманганда мултирадар билан жиҳозланган Nexia-3 Lacetti’га бориб урилгани тўғрисида хабар берилганди.
Изоҳ (0)