Ҳукумат қарорига асосан 2019 йилдан буён Ўзбекистонда тадбиркорликнинг ривожланганлик даражасини аниқлаш тартиби жорий этилган. Шунга асосан ҳудудларнинг бизнес рейтинги ‘‘b-indicator.uz’’ сайтида эълон қилиниб келинмоқда.
Ҳудудларда тадбиркорликнинг ривожланганлик даражасини баҳолаш автоматик тарзда Business Indicator тизими орқали амалга оширилади.
Ўтган даврда ҳудудларнинг 2019 ва 2020 йиллардаги бизнес рейтинги эълон қилинган бўлиб, куни кеча 2021 йилнинг якунлари бўйича ҳам 14 та вилоят ҳамда 205 та туман (шаҳар)ларнинг рейтинги аниқланди.
Рейтинг 17 та индикатор бўйича шакллантирилиб, унда 30 тага яқин масъул идоралар томонидан киритилган қарийб 4 мингта статистик маълумотлар таҳлил қилинди.
2021 йил бизнес рейтингида 14 та ҳудуд ичида 1-ўринни Навоий вилояти эгаллади. Иккинчи ўринда Тошкент шаҳри қайд этилган бўлса, учинчи поғонада Фарғона бўлди. Охирги 14-ўринни Қашқадарё вилояти эгаллади.
Аввалроқ Ўзбекистондаги микрокредит ташкилотлари ва ломбардларнинг молиявий ҳолати маълум бўлганди.
Изоҳ (0)