Ozarbayjon prezidenti Ilhom Aliyevning O‘zbekistonga tashrifining ilk kunida ikki mamlakat hukumatlari, vazirlik va idoralari o‘rtasida 18 ta hujjat imzolandi. Bu haqda “Daryo” muxbiri xabar berdi.
Dastlab, Shavkat Mirziyoyev va Ilhom Aliyev O‘zbekiston bilan Ozarbayjon o‘rtasidagi strategik sheriklikni chuqurlashtirish va har tomonlama hamkorlikni kengaytirish to‘g‘risidagi deklaratsiyani imzoladi.
Shuningdek, O‘zbekiston va Ozarbayjon hukumatlari o‘rtasida ikki tomonlama hujjatlar imzolandi.- “Ozarbayjon Mehnat va aholini ijtimoiy muhofaza qilish vazirligi bilan O‘zbekiston Bandlik va mehnat munosabatlari vazirligi o‘rtasidagi o‘zaro anglashuv memorandumi”;
- “Ozarbayjon Raqamli rivojlanish va transport vazirligi va O‘zbekiston Innovatsion rivojlanish vazirligi o‘rtasidagi anglashuv memorandumi”;
- “Ozarbayjon va O‘zbekiston hukumatlari o‘rtasida o‘simliklar karantini va himoyasi sohasida hamkorlik to‘g‘risida”gi bitim;
- “Ozarbayjon va O‘zbekiston hukumatlari o‘rtasida sanoat mulkini muhofaza qilish sohasida hamkorlik to‘g‘risida”gi bitim;
- “Ozarbayjon va O‘zbekiston hukumatlari o‘rtasida xalqaro avtomobil qatnovi to‘g‘risida”gi bitim;
- “Ozarbayjon va O‘zbekiston hukumatlari o‘rtasida harbiy sohadagi hamkorlik to‘g‘risida”gi bitim;
- Ozarbayjon va O‘zbekiston Tashqi ishlar vazirligi o‘rtasida 2022—2024-yillarga mo‘ljallangan hamkorlik dasturi;
- “Sanoat sohasida hamkorlik to‘g‘risida”gi bitim;
- “Mintaqalararo hamkorlik to‘g‘risida”gi bitim.
Ilhom Aliyev tashrifining birinchi kuni
Shavkat Mirziyoyev taklifiga binoan Ozarbayjon prezidenti Ilhom Aliyev 21-iyun kuni davlat tashrifi bilan O‘zbekistonga keldi. Ozarbayjon prezidentining O‘zbekistonga tashrifi Haydar Aliyev sharafiga nomlangan ko‘cha va uning yodgorligi ochilishidan boshlandi. Shundan so‘ng Ozarbayjon prezidenti Shavkat Mirziyoyev hamrohligida “Yangi O‘zbekiston” bog‘iga tashrif buyurib, Mustaqillik monumenti poyiga gul qo‘ydi.Keyinroq Ko‘ksaroyda Ilhom Aliyevni rasmiy kutib olish marosimi bo‘lib o‘tdi. Marosimda O‘zbekiston va Ozarbayjon rasmiy delegatsiyalari a’zolari ishtirok etdi. Avval tor doirada, so‘ng kengaytirilgan tartibda muzokaralar o‘tkazildi. Davlat rahbarlari strategik sheriklikni chuqurlashtirish va har tomonlama hamkorlikni kengaytirish to‘g‘risidagi deklaratsiyani imzoladi. Shundan so‘ng OAV uchun brifing o‘tkazildi.
Tashrif O‘zbekiston va Ozarbayjon prezidentlarining Toshkentdagi Texnoparkni borib ko‘rishi, Faxriy mehmonlar xiyoboniga ko‘chat ekishi bilan davom etdi.
Izoh (0)