Nokni yaxshi ko‘rmaydigan odamni uchratish qiyin — ta’mi, shiraliligi va yumshoqligi bilan bir-biridan farq qiladigan navlarning ko‘pligi tufayli har kim o‘ziga yoqadigan mevani topishi mumkin. Nokni tez-tez sotib olishning yana bir sababi mazasidan tashqari, ularning sog‘liq uchun ajoyib foydasidadir, deb yozadi Elle.
Nokni qachon iste’mol qilish foydali?
Har doim! Pishib yetilganlik nuqtai nazaridan, yoz, kuz va qishki noklar bor, shuning uchun ham bu mevalarning mavsumiyligi juda uzoq. Yilning qaysi fasli bo‘lmasin, nok antioksidantlarga, C vitamini, kaliy va ozuqaviy tolalarga boy. Zamonaviy tadqiqotlar shuni ko‘rsatdiki, nok iste’mol qilganda ...
Qomat go‘zallashib boradi
Nok haqiqatan ham vazn kamaytirishga yordam beradi — bu Florida shtati universiteti olimlari guruhi tomonidan tasdiqlangan. 12 hafta davom etgan nazorat ostidagi sinovda 45 yoshdan 65 yoshgacha bo‘lgan 40 nafar erkak va ayol ishtirok etdi. Muntazam ravishda ikkita o‘rtacha nokni iste’mol qilganlar, bir stakan kaloriya tarkibidagi ichimlik ichgan nazorat guruhiga qaraganda sezilarli darajada vazn yo‘qotishga muvaffaq bo‘ldi. Olimlarning ta’kidlashicha, nokning parhez ta’siri kaloriya iste’molining kamayishi bilan emas, balki metabolizm bilan bog‘liq.
Ovqat hazm qilish yaxshilanadi
Buning sababi, nokning qattiq navlari ichaklarni rag‘batlantiradigan tola va polifenollarga juda boy. Boshqacha qilib aytadigan bo‘lsak, har kuni nok iste’mol qiladiganlar ovqat hazm qilish muammolari haqida faqat eshitish orqali bilishi mumkin.
Qandli diabetga chalinish xavfi kamayadi
AQSHda saksoninchi yillarning oxirida o‘tkazilgan keng ko‘lamli tadqiqot tomonidan tasdiqlangan. Ma’lum bo‘lishicha, nokni muntazam iste’mol qilish barcha yoshdagi odamlarda ikkinchi toifa diabet rivojlanish xavfini sezilarli darajada kamaytiradi.
Noklarni po‘stidan tozalash kerakmi?
Tozalangan nok foydalimi, degan savol ko‘pincha yosh ota-onalarni tashvishga soladi: bolalarni meva po‘chog‘isiz oziqlantirish, odatda, uni iste’mol qilishning yagona yo‘li. Parhezshunoslarning aniq javobi bor: nok va olmani hamisha po‘sti bilan iste’mol qilish kerak. Chunki uning foydalari quyidagicha:
Stress bilan kurashishga qodir
Nokda mavjud bo‘lgan antioksidantlarning aksariyati uning po‘chog‘ida to‘plangan. Agar u tozalansa, organizmni erkin radikallardan himoya qiluvchi va oksidlovchi stressni kamaytiradigan juda muhim polifenol manbasidan mahrum bo‘lish shubhasiz.
Immunitet kuchayadi
Ajablanarlisi, nokda topilgan yagona vitamin C vitaminidir. Ammo u shunchalik ko‘pki, kuniga kamida bir necha marta iste’mol qilish organizmning askorbin kislotasiga bo‘lgan ehtiyojini to‘liq qoplaydi. C vitaminining ko‘p qismi nok po‘stida mavjud, shuning uchun uni birgalikda iste’mol qilish kerak.
Nokni parhez vaqtida iste’mol qilish mumkinmi?
Nafaqat mumkin, balki zarur! 2003-yilda Rio de Janeyro Federal universiteti olimlari tadqiqot o‘tkazdi, unda ular uchta nokni kundalik ratsionga uch marta ovqatlanish oralig‘ida kiritish parhezning kaloriya miqdorini kamaytirmasdan ham kilogramm kamaytirishga yordam berishini aniqladi.
Nega och qoringa nok iste’mol qilish mumkin emas?
Bularning barchasi nokni ovqat hazm qilishda yordam beradigan tola tarkibiga bog‘liq. Gap shundaki, dag‘al tolaga boy mahsulotlar och qoringa iste’mol qilinsa, oshqozon va ichakning shilliq qavatini bezovta qiladi. Bu qorin og‘rig‘ini, spazm va tabiiy ichak harakatini oshirishi mumkin.
Izoh (0)