Нокни яхши кўрмайдиган одамни учратиш қийин — таъми, ширалилиги ва юмшоқлиги билан бир-биридан фарқ қиладиган навларнинг кўплиги туфайли ҳар ким ўзига ёқадиган мевани топиши мумкин. Нокни тез-тез сотиб олишнинг яна бир сабаби мазасидан ташқари, уларнинг соғлиқ учун ажойиб фойдасидадир, деб ёзади Elle.
Нокни қачон истеъмол қилиш фойдали?
Ҳар доим! Пишиб етилганлик нуқтаи назаридан, ёз, куз ва қишки ноклар бор, шунинг учун ҳам бу меваларнинг мавсумийлиги жуда узоқ. Йилнинг қайси фасли бўлмасин, нок антиоксидантларга, C витамини, калий ва озуқавий толаларга бой. Замонавий тадқиқотлар шуни кўрсатдики, нок истеъмол қилганда ...
Қомат гўзаллашиб боради
Нок ҳақиқатан ҳам вазн камайтиришга ёрдам беради — бу Флорида штати университети олимлари гуруҳи томонидан тасдиқланган. 12 ҳафта давом этган назорат остидаги синовда 45 ёшдан 65 ёшгача бўлган 40 нафар эркак ва аёл иштирок этди. Мунтазам равишда иккита ўртача нокни истеъмол қилганлар, бир стакан калория таркибидаги ичимлик ичган назорат гуруҳига қараганда сезиларли даражада вазн йўқотишга муваффақ бўлди. Олимларнинг таъкидлашича, нокнинг парҳез таъсири калория истеъмолининг камайиши билан эмас, балки метаболизм билан боғлиқ.
Овқат ҳазм қилиш яхшиланади
Бунинг сабаби, нокнинг қаттиқ навлари ичакларни рағбатлантирадиган тола ва полифенолларга жуда бой. Бошқача қилиб айтадиган бўлсак, ҳар куни нок истеъмол қиладиганлар овқат ҳазм қилиш муаммолари ҳақида фақат эшитиш орқали билиши мумкин.
Қандли диабетга чалиниш хавфи камаяди
АҚШда саксонинчи йилларнинг охирида ўтказилган кенг кўламли тадқиқот томонидан тасдиқланган. Маълум бўлишича, нокни мунтазам истеъмол қилиш барча ёшдаги одамларда иккинчи тоифа диабет ривожланиш хавфини сезиларли даражада камайтиради.
Нокларни пўстидан тозалаш керакми?
Тозаланган нок фойдалими, деган савол кўпинча ёш ота-оналарни ташвишга солади: болаларни мева пўчоғисиз озиқлантириш, одатда, уни истеъмол қилишнинг ягона йўли. Парҳезшуносларнинг аниқ жавоби бор: нок ва олмани ҳамиша пўсти билан истеъмол қилиш керак. Чунки унинг фойдалари қуйидагича:
Стресс билан курашишга қодир
Нокда мавжуд бўлган антиоксидантларнинг аксарияти унинг пўчоғида тўпланган. Агар у тозаланса, организмни эркин радикаллардан ҳимоя қилувчи ва оксидловчи стрессни камайтирадиган жуда муҳим полифенол манбасидан маҳрум бўлиш шубҳасиз.
Иммунитет кучаяди
Ажабланарлиси, нокда топилган ягона витамин C витаминидир. Аммо у шунчалик кўпки, кунига камида бир неча марта истеъмол қилиш организмнинг аскорбин кислотасига бўлган эҳтиёжини тўлиқ қоплайди. C витаминининг кўп қисми нок пўстида мавжуд, шунинг учун уни биргаликда истеъмол қилиш керак.
Нокни парҳез вақтида истеъмол қилиш мумкинми?
Нафақат мумкин, балки зарур! 2003 йилда Рио де Жанейро Федерал университети олимлари тадқиқот ўтказди, унда улар учта нокни кундалик рационга уч марта овқатланиш оралиғида киритиш парҳезнинг калория миқдорини камайтирмасдан ҳам килограмм камайтиришга ёрдам беришини аниқлади.
Нега оч қоринга нок истеъмол қилиш мумкин эмас?
Буларнинг барчаси нокни овқат ҳазм қилишда ёрдам берадиган тола таркибига боғлиқ. Гап шундаки, дағал толага бой маҳсулотлар оч қоринга истеъмол қилинса, ошқозон ва ичакнинг шиллиқ қаватини безовта қилади. Бу қорин оғриғини, спазм ва табиий ичак ҳаракатини ошириши мумкин.
Изоҳ (0)