Futbol bo‘yicha O‘zbekiston Superligasining 12-turidan o‘rin olgan “Surxon” va “Dinamo” jamoalari o‘rtasidagi uchrashuv 18-iyun, shanba kuni bo‘lib o‘tdi.
Uchrashuvda hisob 2-daqiqaga kelib ochildi, Bobur Akbarov burchakdan oshirilgan to‘pni boshi bilan darvozaga joylab, Termiz klubini oldinga olib chiqdi. 32-daqiqada Yevgeniy Chumak muvozanatni tikladi. Ushbu vaziyatda ham burchak to‘pidan unumli foydalanildi. Uchrashuv so‘ngida “Surxon” foydasiga ikki marta penalti belgilandi. 11 metrlik jarima zarbalarini Abdulaziz Yusupov va Baxtiyor Qosimov muvaffaqiyatli amalga oshirdi — 3:1.
Shu tariqa “Surxon” safarda “Dinamo” ustidan ishonchli hisobda g‘alabaga erishdi va ochkolari sonini 12 taga yetkazib oldi, jamoa 9-o‘rinni band etgan. So‘nggi o‘rindagi “Dinamo”ning hisobida esa 6 ochko mavjud.
17-iyun kuni “Lokomotiv” “So‘g‘diyona”ga yengilgandi.
Superliga
12-tur bahsi
18-iyun, shanba
“Dinamo” — “Surxon” 1:3
Gollar: 0:1 — 2 Akbarov, 1:1 — 32 Chumak, 1:2 — 76, pen. Yusupov, 1:3 — 90+2, pen. Qosimov.“Dinamo”: 12. Miloye Prekovich, 5. Mixaylo Yovanovich, 10. Shohmalik Komilov, 11. Sahob Rashidov (97. Faxriddin Alimov, 70) 14. Shokir Yo‘ldoshev, 15. Jo‘rabek Mannonov, 22. Abdujamol Isroilov (6. Ibrohim Yo‘ldoshev, 70), 30. Jasurbek Umarov, 31. Saydullo Rahmatov, 70. Oybek Nurmatov (7. Temurbek Ismailov, 65), 88. Yevgeniy Chumak.
“Surxon”: 35. Shohrux Eshbo‘tayev ( 86. Davron Merganov, 38), 3. Boburjon Akbarov, 4. Javohir Sohibov, 5. Serxio Rodriges, 8. Baxtiyorjon Qosimov, 10. Murodbek Bobojonov, 19. Nuriddin Hasanov (26. Ulug‘bek Abdullayev, 79), 23. Abdulaziz Yusupov (2. Zoir Jo‘raboyev, 85), 33. Tohirjon Shamsiddinov, 66. Behruz Shaydulov, 99. Kamron Saidazimov ( 6. Jahongir Ahmadov, 85).
Ogohlantirish: Tohir Shamsiddinov (“Surxon”) 9, Baxtiyor Qosimov (“Surxon”) 26, Jo‘rabek Mannonov (“Dinamo”) 45+7, Murod Bobojonov (“Surxon”) 45+7.
Izoh (0)