Qashqadaryo viloyati Yakkabog‘ tumanida 11-iyun kuni boshqaruvni yo‘qotgan Nexia yo‘l chetiga ag‘darildi. Bu haqda viloyat Ichki ishlar boshqarmasi xabar qildi.
Qayd etilishicha, yo‘l-transport hodisasi shu kuni Yakkabog‘ tumani Qo‘tontepa qishlog‘i hududidan o‘tuvchi Yakkabog‘—Chiroqchi—Sho‘rbozor avtomobil yo‘lining 6-kilometrida sodir bo‘lgan. Chiroqchi—Yakkabog‘ yo‘nalishida harakatlanib kelayotgan fuqaro X.D. boshqaruvida bo‘lgan Nexia-3 avtotransport vositasi boshqaruvni yo‘qotib, o‘zining harakat yo‘nalishdan yo‘lning o‘ng tomon chetiga chiqib ag‘darilib ketgan.
Hozirda mazkur holat yuzasidan tergovga qadar surishtiruv harakatlari olib borilmoqda.
Avvalroq Qashqadaryoda hushyorlikni yo‘qotgan Isuzu haydovchisi yo‘l chetidagi piyodani urib yuborgani, Toshkentda Matiz daraxtga urilishi oqibatida haydovchi va yo‘lovchi halok bo‘lgani, Jizzaxda katta tezlikda harakatlangan Lacetti avtomobili Nexia-3 va Damas bilan to‘qnashgani to‘g‘risida xabar berilgandi.
Izoh (0)