Andijonda Lacetti orqa baloni yorilib ketishi oqibatida boshqaruvni yo‘qotib, velosipedda yo‘lni kesib o‘tayotgan fuqaroni urib yubordi. Oqibatda ikkalasi ham kanalga tushib ketgan, velosipedchi suvda cho‘kib vafot etgan. Bu haqda “Daryo” muxbiri xabar bermoqda.
Ma’lum bo‘lishicha, yo‘l transport hodisasi 2022-yilning 29-may kuni soat 22:55 larda Xo‘jaobod tumani, Ipakchi mahallasi hududidan o‘tuvchi ichki yo‘l o‘ramidan oqib o‘tgan Janubiy Farg‘ona kanali bo‘yida sodir bo‘lgan. O‘rganishlar davomida Buloqboshi tumani Sarvontepa tumanida yashovchi, 2003-yilda tug‘ilgan M.I. hech qanday haydovchilik huquqiga ega bo‘lmasdan Lacetti rusumli avtomashinani boshqarib ketayotgan vaqtda transportning orqa baloni yorilib ketishi oqibatida boshqaruvni yo‘qotib, o‘zi bilan bir yo‘nalishda velosipedda harakatlanib kelayotgan S.A.ni urib yuborgan.
Oqibatda velosipedchi hamda haydovchi avtomashina bilan birga kanalga tushib ketgan. Haydovchi suvdan chiqib olgan bo‘lsa-da, velosipedchi suvda oqib ketgan.
Shundan so‘ng favqulodda vaziyatlar bo‘limi xodimlari tomonidan fuqaroni qidirib topish choralari ko‘rildi. Bir necha kun mobaynidagi qidiruv ishlaridan so‘ng fuqaroning jasadi suvdan topilgan.
Holat yuzasidan tergovga qadar tekshiruv harakatlari olib borilmoqda.
Mavzuga doir:
Izoh (0)