Futbol bo‘yicha Millatlar Ligasining 2-turidan o‘rin olgan qator uchrashuvlar 8-iyun, chorshanba kuni bo‘lib o‘tdi.
Belgiya o‘z maydonida Polshani qabul qildi. Uchrashuvning 28-daqiqasida Robert Levandovski hisobni ochdi. Birinchi bo‘lim yakunlanib borayotgan pallada Aksel Vitsel muvozanatni tikladi. Ikkinchi bo‘lim to‘liq belgiyaliklarning ustunligi ostida kechdi. Dastlab, 59-daqiqada Kevin de Bryuyne jamoani hisobda oldinga olib chiqqan bo‘lsa, 73-daqiqada Leandro Trossard Belgiyaning navbatdagi goliga mualliflik qildi. 80-daqiqada Trossard dublni rasmiylashtirdi. 83-daqiqada Leander Dendonker hisobni yirik ko‘rinishga olib keldi. 90+3-daqiqada Luis Openda o‘yindagi yakuniy hisobni o‘rnatdi.
Uels esa Niderlandiya bilan kuch sinashdi. Mehmonlar Kopmeyners va Vegorstning gollari evaziga g‘alaba qozondi. Uels safida Norrington-Devis o‘z hisobiga gol yozdirib qo‘ydi.
Shotlandiya Armaniston ustidan g‘alaba qozongan bo‘lsa, Ukraina Irlandiyani kichik hisobda mag‘lub etdi.
Millatlar Ligasi
2-tur bahslari
8-iyun, chorshanba
Belgiya – Polsha 6:1
Gollar: 0:1 – 28 Levandovski, 1:1 – 42 Vitsel, 2:1 – 59 de Bryuyne, 3:1 – 73 Trossard, 4:1 – 80 Trossard, 5:1 – 83 Dendonker, 6:1 – 90 Openda.Belgiya: Minyole, Kastan (Azar, 85), Vertongen, Alderveyreld, Dendonker, Karrasko, Vitsel (Fas, 85), Tilemans, de Bryuyne (de Ketelare, 75), Azar (Trossard, 66), Batshuayi (Openda, 85).
Polsha: Drongovski, Gumni, Glik, Bednarek, Puxach (Bereshinski, 46), Kaminski (Zalevski, 81), Shimanski (Kesh, 66), Krixovyak (Shimanski, 46), Zelinski, Jurkovski, Levandovski (Buksa, 69).
Ogohlantirishlar: Krixovyak (14), Vitsel (36).
Uels – Niderlandiya 1:2
Gollar: 0:1 – 50 Kopmeyners, 1:1 – 90 Norrington-Devis, 1:2 – 90 Vegorst.Uels: Uord (Devis, 46), Roberts, Devis, Rodon, Mifem, Norrington-Devis, Uilson, Morrell (Koluill, 60), Levitt (Smit, 67), Jonson (Beyl, 77), Jeyms (Matondo, 77).
Niderlandiya: Flekken, Xatebur, de Vrey, de Ligt (Martins Indi, 84), Teze, Malasia, Kopmeyners, Sxauten (de Yong, 67), Vegorst, Lang (Til, 90), Gakpo (Bergveyn, 67).
Ogohlantirishlar: Teze (3).
Izoh (0)