Қашқадарё вилояти, Қарши шаҳри, Мустақиллик кўчасидаги «Округ зобитлар уйи» кимошди савдосига қўйилди. Лот маълумотлари «E-auksion» порталида эълон қилинган.
Ер участкасининг умумий майдони — 0,95 гектар. Биноларнинг майдони — 1 933 квадрат метр. 1970 йилда қурилган бинода сув, электр таъминоти ва канализация тизими мавжуд. Газ таъминоти эса йўлга қўйилмаган.
Аукционга қўйилган лотнинг бошланғич баҳоси — 7,78 млрд сўм. Аризалар 4 июль 09:00 га қадар қабул қилинади. Савдолар худди шу куни 10:00 да бошланади.
Аввалроқ «Дархон»даги икки қаватли бинонинг бир қисми қарийб 25 млрд сўмга аукционга қўйилгани ҳақида хабар берилган эди.
Изоҳ (0)