“Barselona” himoyachisi Xerard Pike va xonanda Shakira ajrashdi.
El Periodico’ning xabar berishicha, xonanda Pikening xiyonat qilayotganini bilib qolgan. Pike bir necha haftadan buyon o‘zining eski uyida yolg‘iz yashamoqda.
Ispaniyalik futbolchi jamoadoshi Riki Puch bilan birgalikda tungi klublarga tez-tez tashrif buyurgan. Klublarda Pikeni begona ayollar bilan birga ko‘rishgan.
Xerard ertalab “Barselona” bilan mashg‘ulotlari bo‘lishiga qaramasdan, tungi soat 2-3 ga qadar ziyofatlarda bo‘lgan.
Pike va Shakira 2011-yildan buyon birga yashab keladi, ammo rasman nikohdan o‘tmagan. Juftlikning ikki nafar farzandi bor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)