Andijon viloyati Xonobod shahrida tadbirkorlikka jalb qilish evaziga firibgarlik qilgan fuqarolar aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Xonobod shahar bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqarolar A.N. va I.Q. o‘zaro til biriktirib, I. ismli fuqaroga O.I. MCHJ faoliyatini kengaytirish uchun investitsiya jalb qilib berishni aytgani aniqlangan. Evaziga undan 264,4 million so‘m, fuqaro A.ning 11,7 ming dollar hamda Sh.ning 5 ming dollarini firibgarlik yo‘li bilan qo‘lga kiritgan.
Holat yuzasidan Jinoyat kodeksining 168-moddasi (firibgarlik) va 28,211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Jizzaxda fuqaroni jamoat salomatligi texnikumiga o‘qishga kiritib qo‘yish evaziga 400 dollar so‘ragan o‘qituvchi ushlandi
- Toshkentda tadbirkorga arzon benzin olib beramiz deb 1,4 mlrd so‘mini o‘zlashtirgan shaxslar ushlandi
- O‘zbekistonda sotuvchilardan katta miqdorda Qur’oni karim va joynamozlar olib, pulini bermay aldab kelgan shaxs 6 yilga qamaldi
Izoh (0)