Tailand 1-iyundan boshlab barcha mamlakatlardan kelgan sayyohlar uchun majburiy karantin talabini bekor qildi. Bu haqda mamlakat turizm boshqarmasiga tayanib, “RBK” xabar berdi.
Shu vaqtga qadar xorijlik sayyohlar Tailandga kirganidan so‘ng ikki haftagacha karantin ostida bo‘lardi.
Endi voyaga yetgan emlangan sayyohlar faqat vaksinatsiyaning to‘liq kursidan o‘tganlik to‘g‘risidagi guvohnomani taqdim etishi kerak, oxirgi emlash sayohatdan kamida 14 kun oldin amalga oshirilgan bo‘lishi zarur. Kattalar hamrohligisiz kelgan 5—17 yoshli bolalar kamida bitta doza bilan emlanganlik haqidagi sertifikatini ko‘rsatishi kerak. Ota-onalari bilan sayohat qiladigan bolalar mazkur talabdan ozod qilinadi. Emlangan sayohatchilar Tailandga kirgan kunidanoq qirollik bo‘ylab erkin harakatlanishi mumkin. Hujjatlar Thailand Pass tizimiga yuklanishi kerak, u esa mamlakatga kirish uchun QR kodini yaratadi.
Avval koronavirus bilan kasallanganlar hamda kasallikdan keyin bir marta emlangan sayyohlar ham kasallik guvohnomasiga ega bo‘lishi kerak (bu holda ular “to‘liq emlangan” turistlar hisoblanadi).
Ma’lumot uchun Tailand koronavirusga qarshi SinoVac, Astra Zeneca, Pfizer, Moderna, Covilo, Johnson&Johnson, Covaxin, Novavax, Medigen, Turkovac, “Sputnik V” vaksinalari bilan emlangan turistlarni qabul qiladi.
Shuningdek, 1-iyundan boshlab Tailand quruqlik chegaralarini, jumladan, Laos, Malayziya, Myanma va Kambodja bilan chegara punktlarini ochdi. Bundan tashqari, Tailand hukumati COVID-19 uchun “yashil va ko‘k” zonaning 43 provinsiyasida ommaviy tadbirlarga qo‘yilgan cheklovlarni bekor qildi. Ular orasida Bangkok va Pxuket ham bor.
Ba’zi ko‘ngilochar joylar, jumladan, pablar, barlar, karaoke xonalari ochiladi. Biroq ularga to‘liq emlangan va niqobdagi sayyohlarning kirishiga ruxsat beriladi.
Tailandda koronavirus bilan kasallanish darajasi aprel oyida pasayishni boshladi. O‘tgan sutka davomida mamlakatda COVID-19 ga chalinish bo‘yicha 4563 ta yangi holat aniqlangan.
Turkiya 1-iyun kuni sayyohlar uchun PZR-testini, 30-may kuni esa mamlakatda niqob taqish majburiyati bekor qiligandi.
Izoh (0)