“Manchester Yunayted” yarim himoyachisi Pol Pogba jamoani erkin agent sifatida tark etadi.
Bu haqida mankunianliklar rasmiy saytida ma’lum qilindi. Iyun oyida shartnomasi yakuniga yetadigan 29 yoshli yarim himoyachi erkin agentga aylanadi.
“Manchester Yunayted” fransiyalik futbolchini 2016-yilda 105 million yevro evaziga “Yuventus”dan xarid qilgan edi. Ungacha Pogba 2009—2012-yillar klub tizimida faoliyat yuritgan va erkin agent maqomida Turinga yo‘l olgandi.
Pogba klub bilan birgalikda Yevropa Ligasi va Angliya Liga Kubogida g‘alaba qozongan.
Avvalroq futbolchiga “PSJ” qiziqish bildirgani xabar qilingandi. Shuningdek, “Manchester Siti” ham Pogbani erkin agent sifatida qo‘lga kiritmoqchi ekanligi ma’lum bo‘lgandi. Polning o‘zi esa “Yuventus” bilan 3 yillik shartnoma borasida kelishuvga erishgani haqida aytilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)