«Манчестер Юнайтед» ярим ҳимоячиси Пол Погба жамоани эркин агент сифатида тарк этади.
Бу ҳақида манкунианликлар расмий сайтида маълум қилинди. Июнь ойида шартномаси якунига етадиган 29 ёшли ярим ҳимоячи эркин агентга айланади.
«Манчестер Юнайтед» франциялик футболчини 2016 йилда 105 миллион евро эвазига «Ювентус»дан харид қилган эди. Унгача Погба 2009—2012 йиллар клуб тизимида фаолият юритган ва эркин агент мақомида Туринга йўл олганди.
Погба клуб билан биргаликда Европа Лигаси ва Англия Лига Кубогида ғалаба қозонган.
Аввалроқ футболчига «ПСЖ» қизиқиш билдиргани хабар қилинганди. Шунингдек, «Манчестер Сити» ҳам Погбани эркин агент сифатида қўлга киритмоқчи эканлиги маълум бўлганди. Полнинг ўзи эса «Ювентус» билан 3 йиллик шартнома борасида келишувга эришгани ҳақида айтилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)