“Manchester Siti” “Manchester Yunayted” yetakchisini tekinga qo‘lga kiritmoqchi

Yarim himoyachi Pol Pogba “Manchester Yunayted”dan “Manchester Siti”ga o‘tishi mumkin.

The Guardian xabariga ko‘ra, “shaharliklar” ushbu yozda yarim himoyachini erkin agent sifatida o‘z safiga qo‘shib olish imkoniyatini ko‘rib chiqmoqda.

Fransiyalik futbolchining o‘zi ham “Manchester Siti”ga o‘tishga tayyor, u jamoa bosh murabbiyi Pep Gvardiola bilan hamkorlik qilishga qiziqib qolgan. Ispaniyalik murabbiyning fikricha, Pogba yarim himoyada hozirgidan ko‘ra “chuqurroq” o‘ynay oladi.

“Manchester Siti” Polga yana bir mavsum uzaytirish imkoniyati bilan 4 yillik shartnoma taklif qilishga tayyor. Yarim himoyachining maoshining kamayishiga majbur bo‘lishi mumkinligi aytilmoqda.

Ma’lumot uchun, Pogba 2016-yildan beri “qizil iblislar” sharafini himoya qilib kelmoqda. U Angliya Premyer Ligasining 2021/22-yilgi mavsumida 20 o‘yinda maydonga tushib, 1 ta gol urdi va 9 ta golli uzatmaga mualliflik qildi.