“Uyda yolg‘iz” yulduzi Makoley Kalkin badavlat insonlar yuqtiradigan virus haqidagi yangi filmda suratga tushadi, deb yozadi People Talk.
“Boylar grippi” deb nomlanadigan kartinaga rejissor Galder Gastelu-Urrutiya qiladi, u ilgari 2020-yilda Netflix’ning eng ko‘p tomosha qilingan filmlardan biri hisoblangan “Platforma” nomli trillerni suratga olgan.
Sujetga ko‘ra, Yer sayyorasida yangi dahshatli virus paydo bo‘ladi, u faqat badavlat odamlarga yuqadi. Bu dastlab Forbes’ning eng boy 10 ta odami bilan boshlanadi. Keyin esa boshqalarga tarqaladi. Virusni qanday yo‘q qilish mumkin? Albatta, kambag‘allik bilan. Shuningdek, filmda Makoley Kalkindan tashqari Daniyel Bryul va Rozamund Payk ham ishtirok etadi.
Ssenariy mualliflari Gastela-Urrutiya, Pedro Rivero va David Desola bo‘lib, suratga olish ishlari 2022-yilning kuzida boshlanadi, premyera sanasi hali ma’lum emas.
Izoh (0)