Yoshlik bizni tashlab ketadi: Gollivud yulduzlari ilk filmlarida qanday ko‘rinishda bo‘lgan? (foto)

“Iblis himoyachisi” filmidagi Sharliz Teronni yoki 1985-yilda ekranlarga chiqqan “Xususiy kurortda” filmidagi Jonni Deppni eslay olasizmi? Quyida Gollivud yulduzlarining karyerasi avvalida qanday bo‘lganini tomosha qilishingiz mumkin.

Gvinet Peltrou

Gvinet Peltrou 90-yil boshlaridan Gollivudni zabt eta boshladi, o‘shanda bir necha soniyalik ikkinchi darajali qahramon rolini ijro etdi. Ammo 1995-yilda uning “Jefferson Parijda” filmidagi roli ko‘pchilikning xotirasida qoldi. Shundan so‘ng 23 yoshli aktrisani kattaroq loyihalarga — “Yetti”, “Emma”, “Buyuk umidlar” va boshqa kartinalarga taklif qilish boshlandi.

Xyu Grant

Xyu Grant 1982-yildan beri filmlarda rol o‘ynasa-da, barcha rollarini muvaffaqiyatli deb bo‘lmadi. Aktyorga 27 yoshida omad kulib boqdi va u “Moris” filmida bosh rolni o‘ynadi.

Sharliz Teron

Sharliz Teron 1997-yilda “Iblis himoyachisi” filmida bosh rollardan birini o‘ynab, shuhrat qozongan. Keyinchalik 22 yoshli aktrisa Gollivuddagi eng go‘zal ayollardan biri sifatida e’tirof etildi.

Orlando Blum

Orlando Blum “Uayld” filmidagi rolidan keyin tanila boshladi. O‘shanda aktyor 20 yoshli har qanday ishga rozi yigitcha edi.

Richard Gir

Richard Gir 1977-yilda “Janob Gudbarni qidirib” filmida suratga tushganidan so‘ng ayollar qalbini zabt eta boshladi. Lekin u 1980-yilda xuddi shu nomdagi filmdagi amerikalik roli bilan yodda qolgan. O‘shanda aktyor 30 yoshda bo‘lgan.

Juliya Roberts

Juliya Robertsning “Sohibjamol” filmidan avvalgi rollarini ko‘pchilik bilmasa ham kerak. Bu ajablanarli emas, chunki u kam budjetli seriallarda o‘ynagan. 1988-yilda 21 yoshida u “Mistik pitssa” filmida asosiy rollardan birini o‘ynadi. Aytish mumkinki, aynan shu loyiha tufayli uning karyerasi yuqoriladi.

Milla Yovovich

Milla Yovovich aktrisalik faoliyatini yoshligida boshlagan, teleko‘rsatuvlarda kichik rollarni o‘ynagan. Ammo tomoshabin uning iste’dodini 1991-yilda, 16 yoshida “Moviy lagunaga qaytish” filmida rol o‘ynaganidan keyingina ko‘ra boshlagan.

Tom Kruz

Tom Kruz juda erta mashhur bo‘lgan. 19 yoshida u “Yakun” dramasida asosiy rollardan birini o‘ynagan va bu roli uchun yaxshigina haq olgan.

Jennifer Eniston

“Do‘stlar”dan oldin Jennifer Eniston 10 ta kichik budjetli film va teleko‘rsatuvlarda rol o‘ynagan. 1990-yilda u “Ferris Byuler” teleserialida quvnoq qiz rolini qoyilmaqom ijro etadi. O‘sha payt bo‘lajak yulduz 21 yoshda edi.

Jonni Depp

Chapdagi suratdagi yigitni tanidingizmi? 1985-yilda “Xususiy kurortda” filmida rol ijro etganda Jonni Depp atigi 16 yoshda edi.

Sandra Bullok

Sandra Bullok ilk bor 1987-yilda “Zolimlar” filmida o‘ynagan, lekin bosh rolda emas. U 1989-yilda kam budjetli “Bionik qismlarga bo‘linish: Olti million dollarlik erkak va bionik ayol” filmi chiqqandan keyin mashhur bo‘ldi. O‘shanda aktrisa 25 yoshda edi. Hozir ham uning 57 yoshda ekaniga ishonish qiyin.

Kemeron Dias

Kemeron Dias omadli aktrisa. “Niqob” komediyasidagi birinchi roli darhol unga muvaffaqiyat va shon-sharaf keltirdi. Suratga olish paytida aktrisa atigi 22 yoshda edi.

Jorj Kluni

Jorj Kluni birinchi marta 1979-yilda “Hayot haqiqatlari” teleserialida chiqish qilgan. O‘sha payt u 18 yoshda edi va nihoyatda kelishgan bo‘lgan.

Riz Uizerspun

Riz Uizerspun o‘smirlik chog‘idanoq filmlarda rol o‘ynay boshlagan. 13 yoshida u “Simpsonlar” serialida, 15 yoshida “Yovvoyi gul” va “Oydagi odam” filmlarida, 16 yoshida “Mashaqqatli tanlov: bolani qutqarish” filmida va 17 yoshida u “Qumlar asirasi” filmida bosh rolni o‘ynadi. Hozirda aktrisa 46 yoshda va uch farzandning onasi ekaniga ishonish qiyin.

Bred Pitt

Bred Pitt kinodagi faoliyatini teleseriallar va kichik budjetli filmlarda ikkinchi darajali rol o‘ynashdan boshlagan. Uni ozgina bo‘lsa-da mashhur qilgan kartina “Quyoshning qorong‘i tomoni” edi. O‘sha vaqtda u 25 yoshda bo‘lgan.