2022 йил 28 май куни 75-Канн кинофестивалининг ёпилиш маросими бўлиб ўтди. Ниҳоят, дунёдаги энг нуфузли киномукофотлардан бирининг асосий ғолиблари эълон қилинди, деб ёзади People Talk.
Кинофестивалнинг бош мукофоти — «Олтин палма новдаси» швециялик режиссёр Рубен Эстлунднинг «Қайғу учбурчаги» фильмига насиб этди.
Шунингдек, режиссёрлардан Лукас Донтнинг «Яқин», Клер Дениснинг «Туш вақтидаги юлдузлар» фильми Гран-прига муносиб деб топилди.
«Энг яхши режиссёр» номинацияси бўйича Пак Чан Ук — «Кетиш қарори» фильми билан ғалаба қозонди.
«Олтин камера» мукофоти эса «War Pony» картинаси режиссёрлари Райли Кио ва Жина Гаммеллга топширилди.
Қуйида яна бир қанча номинациялар бўйича ғолибликни қўлга киритган юлдузлар билан танишиш мумкин:
«Энг яхши актриса» – Зара Амир Эбрахими, «Муқаддас ўргимчак»
«Энг яхши актёр» – Сонг Канг Хо, «Воситачи»
«Энг яхши сценарий» — Тариқ Солиҳ, «Жаннатдан келган йигит»
Ҳакамлар ҳайъати мукофоти — Ежи Сколимовски, «Иа»; Шарлотта Вандермерш ва Феликс ван Гронинген «Саккиз тоғ»
Канн кинофестивалининг юбилейи шарафига махсус мукофот — ака-ука Люк ва Жан-Пьер Дарденн, «Тори ва Локита».
Изоҳ (0)