Hujumchi Rafael Leau “Milan”ni tark etishi va faoliyatini La Ligada davom ettirishi mumkin.
Football Italia nashrining xabariga ko‘ra, portugaliyalik futbolchiga “Real” qiziqish bildirmoqda. Madridliklar Leau uchun 120 million yevro to‘lashga tayyor.
Hujumchining “Milan” bilan shartnomasi 2024-yilning yoziga qadar mo‘ljallangan, “rossonerilar” futbolchi bilan bitimni 2026-yilgacha uzaytirish istagida.
“Milan” rahbariyati Rafaelning agenti Jorje Mendesh bilan uchrashishi kutilmoqda, uchrashuvda “Real” varianti haqida ham so‘z boradi.
Leauning tovon puli 150 million yevroni tashkil etadi, ammo milanliklar “Real” ushbu bandni faollashtirmasligiga ishonchi komil.
22 yoshli hujumchi joriy mavsum “Milan” safida barcha musobaqalarda 42 ta o‘yinda ishtirok etib, 14 ta gol va 12 ta golli uzatmaga mualliflik qildi.
Izoh (0)