Rossiya va Qirg‘iziston o‘rtasidagi temiryo‘l qatnovi iyun boshida qayta tiklanadi, deb xabar beradi “RBK”.
“Qirg‘iz temir yo‘llari” ma’lumotlariga ko‘ra, 6-iyundan haftada bir marta dushanba kunlari Bishkek—Qozon yo‘nalishidagi poyezd yura boshlaydi. 8-iyun kuni Bishkek—Samara poyezdi ishga tushiriladi, u chorshanba va juma kunlari qatnaydi.
9-iyundan boshlab esa yo‘lovchilar har sakkiz kunda bir marta Bishkekdan Novosibirskka borishi mumkin bo‘ladi.
Mamlakatlar o‘rtasidagi poyezd qatnovi 2020-yil martida koronavirus pandemiyasi tufayli to‘xtatilgandi. Temiryo‘l qatnovi qayta tiklanishiga qaramasdan, COVID-19 bo‘yicha ba’zi cheklovlar kuchda qoladi.
Xususan, yo‘lovchilar manfiy natijali PZR test bilangina poyezdga o‘tirishi mumkin. Ma’lumotnoma chegarani kesib o‘tishdan ko‘pi bilan 72 soat avval berilgan bo‘lishi kerak.
Ayni paytda besh yoshgacha bo‘lgan bolalar (hamrohlik qiluvchi shaxsda hujjat bo‘lsa), Qozog‘iston hukumat delegatsiyalari, lokomotiv va poyezd brigadalari ekipajlari uchun PZR talab qilinmaydi. Shuningdek, Qozog‘istonda so‘nggi olti oy ichida emlangan yoki qayta emlanganlarga ham bu talab tegishli bo‘lmaydi.
Izoh (0)