Venture Global LNG компанияси Луизиана соҳилида АҚШнинг энг йирик янги суюлтирилган газ экспорти заводларидан бирини қуришини маълум қилди. Бу ҳақда Financial Times хабар бермоқда.
Россиянинг Украинага бостириб кириши ортидан глобал бозор учун Америка энергия таъминотини кўпроқ таъминлашга уринмоқда. Бу эса олиб борилаётган ҳаракатлардан кейинги тасдиқланган биринчи лойиҳадир.
Venture Global компаниясининг маълум қилишича, қувур линиясини ўз ичига олган 13,2 млрд долларлик лойиҳа 2022 йилда дунёдаги энг йирик молиялаштириш операцияси бўлади.
Таъминот танқислиги ва сўнгги ойларда нефть ва газ нархининг ошиши туфайли қазиб олинадиган ёқилғи лойиҳаларига инвесторларнинг қизиқиши анчагина баланд бўлмоқда.
Плақуэминес лойиҳаси йилига 13 млн тоннадан ортиқ суюлтирилган газни етказиб беради. Бу АҚШ умумий экспорт қувватининг тахминан 15 фоизига тенг.
Иккинчи босқич ишга туширилганидан кейин, завод қувватини йилига 20 млн тоннага етказиши мумкин.
LNG — бу табиий газнинг ўта совитилган шакли бўлиб, уни бутун дунё бўйлаб экспорт қилиш учун кемаларга юклаш мумкин.
АҚШ экспортчилари, шу жумладан мамлакатдаги энг йирик Cheniere Energy сўнгги ойларда Европа Иттифоқига етказиб беришни кўпайтириш учун заводларни ишга туширмоқда.
Venture Global бош ижрочи директори Майк Сабелнинг айтишича, Plaquemines’даги янги завод 2024 йилда ишга туширишга тайёр бўлади. Завод 2021 йил августидан бери «яширинча қурилишда» бўлган.
Venture Global , шунингдек, ўз заводларида ишлаб чиқарилган умумий ишлаб чиқариш ҳажмини йилига 70 млн тоннага кўтариш ниятида.
Компанияснинг таъкидлашича, Plaquemines барча зарур рухсатномаларни олган ва лойиҳа маҳсулотининг 80 фоизини қоплайдиган узоқ муддатли сотиш-сотиб олиш шартномаларини имзолаган.
Аввалроқ Европанинг Россия табиий газини LNG билан алмаштириш режаси тўсиқларга учраётгани хабар берилган эди.
Изоҳ (0)