Bugun,

  • USD 11095.31
  • RUB 173.84
  • EUR 10772.44

Ukraina prezidenti Vladimir Zelenskiy Yaponiyaning NHK nashriga bergan intervyusida Rossiya va Ukraina o‘rtasidagi mojaroda Xitoyning pozitsiyasi haqida gapirdi.

Foto: Reuters

Foto: Reuters

Zelenskiy Pekin Rossiyaning Kiyevga qarshi agressiyasiga G‘arbning taraqqiy etgan davlatlari kabi javob bermaganini eslatdi.

Ukraina rahbari Rossiyani xorijiy suveren davlatga bostirib kirgani uchun javobgarlikka tortish zarurligini, shunda boshqa davlatlar bunday tajovuzga yo‘l qo‘ymasligini yana bir bor ta’kidladi.

“Xitoy hozir boshqa davlat hududini bosib olish odatiy hol degan pozitsiyani egallab turibdi”, — dedi Zelenskiy.

U Pekinning Rossiya bilan “birlashishi”dan ogohlantirdi hamda Yaponiya ikki davlat o‘rtasidagi bunday “hamkorlik” xavfini yaxshi tushunishini ta’kidladi.

“Yaponiyaning Ukrainani aniq, ochiq, sezilarli va to‘liq qo‘llab-quvvatlashi biz uchun o‘ta ahamiyatli bo‘ldi. Birdamlik hozir muhim, bu boshqa mamlakatlarga signal yubormoqda”, — dedi Zelenskiy.

24-may kuni Rossiya va Xitoy strategik bombardimonchi samolyotlari Rossiyaning Ukrainaga bosqini boshlanganidan keyingi birinchi qo‘shma parvozini amalga oshirdi. Yadro qurolini olib yurishga qodir samolyotlar havoga ko‘tarilib, Yaponiya va Sharqiy Xitoy dengizlari ustidan uchgan. Bu Avstraliya, Yaponiya va Hindiston rahbarlari bilan uchrashgan AQSH prezidenti Jo Baydenning mintaqaga tashrifi fonida yuz berdi. Mazkur davlatlar xavfsizlik bo‘yicha to‘rt tomonlama muloqot ishtirokchilari hisoblanadi.

Izoh
Asosiy yangiliklar
Sport
O‘zbekiston Kubogi 1/8 finaliga yo‘l olgan barcha jamoa nomi ma’lum bo‘ldi
Dunyo
Rossiya Mudofaa vazirligi Ukraina qo‘shinlari “keng miqyosli” qarshi hujum boshlaganini e’lon qildi (video)
Mahalliy
O‘zbekiston prezidentligiga ko‘rsatilgan nomzodlar ro‘yxatga olindi