Samarqand viloyatining Past Darg‘om va Payariq tumanlarida giyohvandlik vositalarini yetishtirgan jinoiy guruh a’zolari ushlandi. Bu haqda viloyat Ichki ishlar boshqarmasi xabar qildi.
Qayd etilishicha, Samarqand viloyati IIB hamda DXX tezkor tadbir o‘tkazilgan. Tadbir davomida Past Darg‘om tumanida yashovchi M.A. (1976-yilda tug‘ilgan) sement saqlash omborxonasidagi 4 sotix yer maydonida 610 tup marixuana giyohvand vositalarini parvarishlab kelayotgani aniqlangan. U bu ishni Past Darg‘om tumanida yashovchi X.B. (1992-yilda tug‘ilgan) hamda Toshkent shahrida yashovchi R.A. (1984-yilda tug‘ilgan) bilan birgalikda amalga oshirilgan.
Yana bir o‘tkazilgan tadbirda esa Payariq tumanida yashovchi A.A. (1970-yilda tug‘ilgan) yashash xonadoni tekshirilgan. Natijada 103 tup ko‘knori giyohvand o‘simligini parvarishlab kelingani aniqlanib, hujjatlashtirib olingan.
Holat yuzasidan ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Toshkentda sintetik giyohvand moddalarni belgilangan bir manzildan boshqasiga yetkazish bilan shug‘ullangan qiz ushlandi
- Farg‘onada tomorqasida 60 tup kannabis parvarishlab kelayotgan fuqaro aniqlandi
- O‘zbekistonda Tojikistondan keltirgan giyohvand moddalarni sotish bilan shug‘ullangan shaxslar qo‘lga olindi
Izoh (0)