Surxondaryo viloyatining Denov tumanida 20 sotix yerni bir necha fuqaroga sotib, ularni 220 million so‘mga chuv tushirgan shaxsga jinoyat ishi qo‘zg‘atildi. Bu haqda viloyati IIB axborot xizmati xabar berdi.
Ma’lum qilinishicha, Denov tumanida 2022-yil 16-aprel kuni Sariosiyo tumanida yashovchi A.S. viloyat IIBning 102 xizmatiga murojaat qilgan. Uning so‘zlariga ko‘ra, Denov tumanida yashovchi, B.S. 2020-yil fevral oyida shu tumanda yashovchi T.K. va M.O.ga tumanning “Namozgoh” mahallasi hududidagi yangi qurilgan dehqon bozori atrofidagi 20 sotix yerni ko‘rsatib, ushbu yerni sotishini aytib, ular bilan 220 million so‘mga kelgan.
U fuqaro A.S.dan 75 million so‘m, T.K.dan 70 million so‘m va M.O.dan 75 million so‘m jami 220 million so‘m pullarni olib, ushbu yerni shu kunga qadar hujjatlashtirib bermasdan pullarni o‘zlashtirib ketgan.
10-may kuni B.S.ga nisbatan Jinoyat kodeksining 168-moddasi (firibgarlik) 4-qismi “a” bandi bilan jinoyat ishi qo‘zg‘atilgan.
Avvalroq Andijonda sotish taqiqlangan yerni 9 ming dollarga sotib yubormoqchi bo‘lgan shaxs ushlangani, Samarqandda fuqaroga suvli yer maydonini tanishlari orqali 25 ming dollarga sotmoqchi bo‘lgan shaxs qo‘lga olingani to‘g‘risida xabar berilgandi.
Izoh (0)