Xalqaro xayriya tashkiloti ma’lumotlariga ko‘ra, pandemiya davrida dunyoda har 30 soatda yangi milliarder paydo bo‘lgan. Shu bilan birga, joriy yilda narxlarning ko‘tarilishi tufayli muhtojlar ko‘paydi. Bunday ma’lumotlar tashkilotning “Darddan foyda olish” (Profiting from pain) hisobotida keltirilgan.
Pandemiya davrida (2020—2021-yillarda) har 30 soatda yangi milliarder paydo bo‘ldi. 2022-yilda deyarli bir million odam o‘ta qashshoqlikka tushib qolishi mumkin, — deyiladi hisobotda.Hujjatda, shuningdek, pandemiya davrida 573 kishi milliarderga aylangani aytilgan bo‘lsa, bu yil Oxfam yana 263 million kishi yoki har 33 soatda 1 million kishi o‘ta qashshoqlikda qolishini prognoz qilmoqda.
Oxfam hisobotni 23-may kuni, Jahon iqtisodiy forumi bo‘lib o‘tayotgan vaqtda taqdim qildi.
COVID-19 pandemiyasining dastlabki 24 oyida milliarderlarning boyligi oldingi 23 yildagiga qaraganda ko‘proq oshdi. Dunyo milliarderlarining umumiy boyligi hozir jahon yalpi ichki mahsulotining 13,9 foiziga teng bo‘lib, 2000-yildagi 4,4 foizdan 3 barobar ko‘pdir.
Xodimlarning ish haqi deyarli o‘zgarmadi va ishchilar narxlarning o‘sishini boshdan kechirmoqda, bu COVID-19 davrida o‘nlab yillardagi eng yuqori darajada saqlanib qoldi, — deyiladi hisobotda.Oziq-ovqat va energetika sanoatidagi milliarderlarning boyligi 453 mlrd dollarga oshdi, bu har ikki kunda 1 mlrd dollarga teng.
Beshta yirik energetika kompaniyalari — BP, Shell, Total Energies, Exxon va Chevron birgalikda sekundiga 2,6 ming dollar foyda olishadi. Hozirda oziq-ovqat sanoatida 62 nafar yangi milliarder bor, — deyiladi hujjatda.Avvalroq Forbes 2022-yilda dunyoning eng boy odamlarini e’lon qilgan edi.
Izoh (0)