Халқаро хайрия ташкилоти маълумотларига кўра, пандемия даврида дунёда ҳар 30 соатда янги миллиардер пайдо бўлган. Шу билан бирга, жорий йилда нархларнинг кўтарилиши туфайли муҳтожлар кўпайди. Бундай маълумотлар ташкилотнинг «Дарддан фойда олиш» (Profiting from pain) ҳисоботида келтирилган.
Пандемия даврида (2020—2021 йилларда) ҳар 30 соатда янги миллиардер пайдо бўлди. 2022 йилда деярли бир миллион одам ўта қашшоқликка тушиб қолиши мумкин, — дейилади ҳисоботда.Ҳужжатда, шунингдек, пандемия даврида 573 киши миллиардерга айлангани айтилган бўлса, бу йил Oxfam яна 263 миллион киши ёки ҳар 33 соатда 1 миллион киши ўта қашшоқликда қолишини прогноз қилмоқда.
Oxfam ҳисоботни 23 май куни, Жаҳон иқтисодий форуми бўлиб ўтаётган вақтда тақдим қилди.
COVID-19 пандемиясининг дастлабки 24 ойида миллиардерларнинг бойлиги олдинги 23 йилдагига қараганда кўпроқ ошди. Дунё миллиардерларининг умумий бойлиги ҳозир жаҳон ялпи ички маҳсулотининг 13,9 фоизига тенг бўлиб, 2000 йилдаги 4,4 фоиздан 3 баробар кўпдир.
Ходимларнинг иш ҳақи деярли ўзгармади ва ишчилар нархларнинг ўсишини бошдан кечирмоқда, бу COVID-19 даврида ўнлаб йиллардаги энг юқори даражада сақланиб қолди, — дейилади ҳисоботда.Озиқ-овқат ва энергетика саноатидаги миллиардерларнинг бойлиги 453 млрд долларга ошди, бу ҳар икки кунда 1 млрд долларга тенг.
Бешта йирик энергетика компаниялари — BP, Shell, Total Energies, Exxon ва Chevron биргаликда секундига 2,6 минг доллар фойда олишади. Ҳозирда озиқ-овқат саноатида 62 нафар янги миллиардер бор, — дейилади ҳужжатда.Аввалроқ Forbes 2022 йилда дунёнинг энг бой одамларини эълон қилган эди.
Изоҳ (0)