Toshkent shahri Mirobod tumanida 2022—2023-yillar kuz-qish mavsumiga tayyorgarlik ko‘rish maqsadida Nukus ko‘chasida harakat vaqtincha cheklanadi. Bu haqda shahar hokimligi xabar qildi.
Qayd etilishicha, Mirobod tumani Nukus ko‘chasidagi magistral issiqlik quvurlarida ta’mirlash ishlari olib boriladi. Shu sababli 14-may 00:00 dan ko‘chaning “Asia Alliance Bank” qarshisidagi qismida yo‘lning bir tomoni vaqtincha yopiladi.
Shuningdek, ushbu hududdagi bir necha ko‘p qavatli uylarda issiq suv ta’minoti to‘xtatiladi.
Ta’mirlash jarayoni 15-may kuni tugatilishi rejalashtirilgan.
Avvalroq Toshkentda ta’mirlash ishlari sabab ayrim ko‘chalarda harakat vaqtincha cheklangani, Toshkentda 8-may soat 20:00 gacha ayrim ko‘chalar transportlar harakati uchun yopilishi haqida xabar berilgan.
Izoh (0)