Mazali taomning kaliti makaron mahsulotini to‘g‘ri tanlashdadir. Albatta, sifatli mahsulot bilan sarflangan vaqt yordamida kutilgan natijaga erishish mumkin. Elle nashri atigi ikki mahsulot yordamida makarondan tayyorlash mumkin bo‘lgan taomlar retsepti bilan bo‘lishdi.

Qovoqcha va pishloqli makaron retsepti

Foto: Elle

Kerakli mahsulotlar:

  • spagetti;
  • qovoqcha — 1-2 dona;
  • pishloq.

Tayyorlanish jarayoni:

Makaron tuz solingan qaynagan suvga solinadi va taxminan 5-6 daqiqa qaynatib olinadi. Qovoqcha uzunchoq yoki dumaloq shaklida kesib olinadi, so‘ngra jigarrang bo‘lgunga qadar zaytun moyida qovuriladi. So‘ngra qog‘oz salfetka ustiga qo‘yiladi. Qovoqcha pishirilgan tovaga makaron solinadi. Makaron qaynatilgan suvdan bir necha osh qoshiq qo‘shiladi. Qovoqcha qo‘shib, qirg‘ichdan o‘tkazilgan pishloq sepiladi. Aralashtirilib, rayhon bilan bezatiladi.

Pomidor va baliqli makaron retsepti

Foto: Elle

Kerakli mahsulotlar:

  • bantik shaklidagi makaron;
  • pomidor — 400 gramm;
  • yog‘ tunets balig‘i — 1 dona;

Tayyorlanish jarayoni:

Pomidorlarni pishirish uchun teng yarmiga bo‘linadi va pergamentga kesilgan tomoni yuqoriga qaratilib qo‘yiladi. Ustidan zaytun moyi, shakar, tuz, mayda to‘g‘ralgan sarimsoq va limon qobig‘i sepib, pechda 100 daraja haroratda ikki soat davomida pishiriladi. So‘ngra makaron qadoqdagi vaqtga ko‘ra qaynatib olinadi, sovuq suv bilan sovitilib, pomidor va uning sharbati hamda mayda to‘g‘ralgan baliq qo‘shiladi. Dasturxonga tortishdan avval ko‘katlar bilan bezatiladi.