Farg‘onada fuqaroning qamoqdagi farzandini hokimlikdagi tanishlari orqali ozodlikka chiqarib berish uchun pul olib kelgan ayol qo‘lga olindi. Bu haqda Zo‘r TV telekanalining “Bu kun” dasturida ma’lum qilindi.

Bosh prokuratura huzuridagi departament xodimlari tomonidan IIB hamkorligida tezkor tadbir o‘tkazilgan. Tadbir davomida gumonlanuvchi IIVga qarashli Toshkent viloyati Zangiota tumanida joylashgan jazoni ijro etish muassasasida jazo o‘tayotgan mahkumni pul evaziga chiqarishga yordam berishni va’da qilgani aniqlangan. U kelishilgan 400 dollar pulni olish uchun arizachining yoniga vositachi yuborilgan. Vositachi orqali ayol qo‘lga olingan.

Tergovga qadar tekshiruv davomida gumonlanuvchi muqaddam ariza muallifidan farzandini ozodlikka chiqarib berish evaziga 2022-yilning o‘tgan davrida bo‘lib-bo‘lib jami 7,5 ming dollar olgani ma’lum bo‘lgan.

Avvalroq Andijonda qamoqdagi o‘g‘lini chiqarib berish uchun onasidan 3 ming dollar olgan shaxsning o‘zi qamoqqa olingani to‘g‘risida xabar berilgandi.