Toshkent shahri Olmazor tumanida Cobalt mashinasida yong‘in chiqdi, deya xabar qilmoqda poytaxt IIBB axborot xizmati.
Qayd etilishicha, 2022-yilning 14-may kuni soat 05:00 larda Olmazor tumani Keles ko‘chasida haydovchi D.Y. Cobalt avtomashinasini boshqarib ketayotgan vaqtda, boshqaruvni yo‘qotgan va yo‘l chetidagi to‘siq ustiga chiqib ketib, svetoforga urilgan.
Oqibatda dvigatelda yong‘in chiqqan, tez orada voqea joyga yetib kelgan o‘t o‘chiruvchilar yong‘inni bartaraf etgan.
Hodisa oqibatida hech kim jabrlanmagan. Mazkur holat yuzasidan Toshkent shahar IIBB YHXB tomonidan surishtiruv olib borilmoqda.
Izoh (0)