Фарғонада фуқаронинг қамоқдаги фарзандини ҳокимликдаги танишлари орқали озодликка чиқариб бериш учун пул олиб келган аёл қўлга олинди. Бу ҳақда Zo‘r TV телеканалининг «Бу кун» дастурида маълум қилинди.
Бош прокуратура ҳузуридаги департамент ходимлари томонидан ИИБ ҳамкорлигида тезкор тадбир ўтказилган. Тадбир давомида гумонланувчи ИИВга қарашли Тошкент вилояти Зангиота туманида жойлашган жазони ижро этиш муассасасида жазо ўтаётган маҳкумни пул эвазига чиқаришга ёрдам беришни ваъда қилгани аниқланган. У келишилган 400 доллар пулни олиш учун аризачининг ёнига воситачи юборилган. Воситачи орқали аёл қўлга олинган.
Терговга қадар текширув давомида гумонланувчи муқаддам ариза муаллифидан фарзандини озодликка чиқариб бериш эвазига 2022 йилнинг ўтган даврида бўлиб-бўлиб жами 7,5 минг доллар олгани маълум бўлган.
Аввалроқ Андижонда қамоқдаги ўғлини чиқариб бериш учун онасидан 3 минг доллар олган шахснинг ўзи қамоққа олингани тўғрисида хабар берилганди.
Мавзуга доир:
- Сирдарёда икки маҳкумни 136 млн сўм эвазига озодликка чиқариб беришни ваъда қилган шахс аниқланди
- Қорақалпоғистонда маҳкумни озодликка чиқариб бериш учун 10 минг доллар сўраган ҳамшира ушланди
- Сурхондарёда 19 йилга қамалган маҳбусни 70 минг доллар эвазига қамоқдан чиқариб бермоқчи бўлган шахс ушланди
Изоҳ (0)