“Chelsi” klubni amerikalik tadbirkor Todd Bouliga sotish shartlarini kelishib olganini ma’lum qildi.
“Chelsi” Todd Boli, Clearlake Capital, Mark Valter va Hansjorg Viss boshchiligidagi yangi egalar guruhi tomonidan klubni sotib olish shartlari kelishilganini tasdiqlashi mumkin.Eslatib o‘tamiz, 27-fevral kuni Abramovich Ukrainadagi vaziyat tufayli “Chelsi” boshqaruvini klub xayriya fondiga topshirdi. 3-mart kuni esa 2003-yildan beri boshqarib kelayotgan jamoasini sotishga qaror qilganini ma’lum qildi.Umumiy sarmoyaning 2,9 milliard yevrosi klub aksiyalarini sotib olishga sarflanadi va bu tushum 100 foiz xayriya ishlariga o‘tkazish niyatida Buyuk Britaniyaning muzlatilgan bank hisob raqamiga o‘tkaziladi.
Bundan tashqari, yangi egalar klub manfaati uchun qo‘shimcha 2 milliard yevro sarmoya kiritadi. Bunga “Stamford Brij”, akademiya, ayollar terma jamoasi “Kingsmedou”ga yo‘naltiriladigan investitsiyalar, shuningdek, “Chelsi” fondining kelajakdagi moliyalashtirilishi kiradi.
Sotuv jarayoni may oyi oxirida, barcha kerakli me’yoriy ruxsatnomalar olingandan so‘ng yakunlanishi kutilmoqda.
“Chelsi” bayonoti
Abramovichga nisbatan qo‘llangan sanksiyalar tufayli “Chelsi” o‘y o‘yinlarga chipta sotish huquqidan mahrum qilindi (biroz muddatdan keyin Buyuk Britaniya hukumati “Chelsi”ga uy o‘yinlariga chipta sotishga ruxsat berdi). Shundan so‘ng klubning bosh homiysi jamoa bilan hamkorlikni to‘xtatdi. Bundan tashqari, “Chelsi”ning bank hisoblari ham muzlatildi. Keyinchalik klub Buyuk Britaniya hukumatini joriy cheklovlar ostida mavsumni yakunlay olmasligi mumkinligi haqida ogohlantirdi.
Izoh (0)