Futbol bo‘yicha Italiya A Seriyasining 36-turidan o‘rin olgan o‘yinda “Inter” 6-may, juma “Empoli” bilan bahs yuritdi.
Milanda kechgan bahsda jami 6 ta to‘p kiritildi. Dastlab mezbonlar 5 va 28-daqiqalarda ketma-ket ikkita gol urib, hisobda oldinga chiqib oldi. Biroq birinchi bo‘lim yakunida “Empoli” himoyachilari o‘z darvozasiga gol kiritib qo‘ydi. 45-daqiqada esa katta sahnaga Lautaro Martines chiqdi. Argentinalik hujumchi qanotdan oshirilgan to‘pni ajoyib tarzda darvozaga joylab qo‘ydi. 64-daqiqaga kelib, Martines dublni rasmiylashtirdi. Ushbu vaziyatda ham u dastlabkisidagi kabi harakatlarni amalga oshirdi. 90+4-daqiqa esa Aleksis Sanches jamoasining 4-golini urib, o‘yinga yakuniy nuqtani qo‘ydi.
Shu tariqa “Inter” o‘z maydonida 2 ta to‘p farqi bilan ortda borib, yakunda irodali g‘alabani tantana qildi. G‘alabadan keyin jamoaning ochkolari soni 78 taga yetdi va peshqadamga aylandi. Bitta kam o‘yin o‘tkazib, 2-o‘rinda borayotgan “Milan”ning hisobida 77 ochko mavjud.
A Seriya
36-tur bahsi
6-may, juma
“Inter” — “Empoli” 4:2
Gollar: 0:1 – 5 Pinamonti, 0:2 – 28 Aslani, 1:2 – 40, avtogol Romanyoli, 2:2 – 45 Martines, 3:2 – 64 Martines, 4:2 – 90+4 Sanches.“Inter”: Handanovich, Dumfris (Darmian, 77), de Vrey, Shkrinyar, Dimarko (Dambrozio, 70), Perishich, Brozovich, Chalxano‘g‘lu (Vidal, 70), Barella, Korrea (Sanches, 82), Martines (Jeko, 70).
“Empoli”: Vikario, Fyamossi (Benassi, 78), Romanyoli, Luperto, Parizi, Shtulas (Ismayli, 69), Bandinelli, Jurkovski (Henderson, 61), Aslani, Bayrami (di Franchesko, 61; Kutrone, 68), Pinamonti.
Ogohlantirish: Martines (65).
Izoh (0)