«Челси» клубни америкалик тадбиркор Тодд Боулига сотиш шартларини келишиб олганини маълум қилди.
«Челси» Тодд Боли, Clearlake Capital, Марк Валтер ва Ҳансжорг Висс бошчилигидаги янги эгалар гуруҳи томонидан клубни сотиб олиш шартлари келишилганини тасдиқлаши мумкин.Эслатиб ўтамиз, 27 февраль куни Абрамович Украинадаги вазият туфайли «Челси» бошқарувини клуб хайрия фондига топширди. 3 март куни эса 2003 йилдан бери бошқариб келаётган жамоасини сотишга қарор қилганини маълум қилди.Умумий сармоянинг 2,9 миллиард евроси клуб акцияларини сотиб олишга сарфланади ва бу тушум 100 фоиз хайрия ишларига ўтказиш ниятида Буюк Британиянинг музлатилган банк ҳисоб рақамига ўтказилади.
Бундан ташқари, янги эгалар клуб манфаати учун қўшимча 2 миллиард евро сармоя киритади. Бунга «Стамфорд Бриж», академия, аёллар терма жамоаси «Кингсмедоу»га йўналтириладиган инвестициялар, шунингдек, «Челси» фондининг келажакдаги молиялаштирилиши киради.
Сотув жараёни май ойи охирида, барча керакли меъёрий рухсатномалар олингандан сўнг якунланиши кутилмоқда.
«Челси» баёноти
Абрамовичга нисбатан қўлланган санкциялар туфайли «Челси» ўй ўйинларга чипта сотиш ҳуқуқидан маҳрум қилинди (бироз муддатдан кейин Буюк Британия ҳукумати «Челси»га уй ўйинларига чипта сотишга рухсат берди). Шундан сўнг клубнинг бош ҳомийси жамоа билан ҳамкорликни тўхтатди. Бундан ташқари, «Челси»нинг банк ҳисоблари ҳам музлатилди. Кейинчалик клуб Буюк Британия ҳукуматини жорий чекловлар остида мавсумни якунлай олмаслиги мумкинлиги ҳақида огоҳлантирди.
Изоҳ (0)