Futbol bo‘yicha Italiya A Seriyasining 36-turidan o‘rin olgan o‘yinda “Yuventus” 6-may, juma “Jenoa” bilan bahs yuritdi.
Genuyaliklar mezbonlik qilgan bahsda “Yuventus” kutilmaganda mag‘lubiyatga uchradi. Dastlabki 45 daqiqalikda darvozalar daxlsiz qoldi. Ikkinchi bo‘lim avvalida Paulo Dibala jarima maydonchasi tashqarisidan ajoyib zarbasi bilan hisobni ochdi. Biroq uchrashuvning asosiy vaqti tugashiga 3 daqiqa qolganida mezbonlar hisobni tenglashtirishning uddasidan chiqdi. 90+6-daqiqada esa “keksa sinyora” darvozasi tomon penalti belgilandi. 11 metrlik jarima zarbasini Domeniko Krishito muvaffaqiyatli amalga oshirib, jamoasiga g‘alaba keltirdi.
Shu tariqa Turin klubi safarda kechgan bahsda so‘nggi daqiqalardagi gollar tufayli mag‘lubiyatni qabul qilib oldi. Jamoa hisobidagi 69 ochko bilan musobaqa jadvalida 4-o‘rinni band etgan. “Jenoa” (28) esa 18-pog‘onaga ko‘tarildi.
A Seriya
36-tur bahsi
6-may, juma
“Jenoa” – “Yuventus” 2:1
Gollar: 0:1 – 48 Dibala, 1:1 – 87 Gudmundsson, 2:1 – 90+6, penalti Krishito.“Jenoa”: Sirigu, Hefti, Bani, Estigor, Krishito, Badel, Galdames (Frendrup, 46), Amiri, Melegoni (Ekuban, 59), Portanova (Yeboa, 58), Destro (Gudmundsson, 68).
“Yuventus”: Shchensni, Bonuchchi, Rugani, De Shilyo, Rabyo, Artur (Zakariya, 60), Miretti (Bernardeski, 74), Kuadrado (Aleks Sandro, 60), Dibala (Ake, 80), Kin, Vlahovich (Morata, 74).
Ogohlantirishlar: Dibala (29), Rugani (34), Melegoni (43), Artur (44), Badel (78).
Izoh (0)