“Roma” bosh murabbiyi Joze Mourinyo “Lester”ga qarshi bahsdan (1:0) so‘ng o‘z fikrlarini bildirib o‘tdi.
Juda charchadim va uyga qaytishni xohlayman!“Roma” 25-may kuni Konferensiyalar Ligasi finalida “Feyenoord” bilan to‘qnash keladi.Bu oilamizning g‘alabasi. Nafaqat uning maydondagi bir qismi, balki zaxira va butun stadionniki. Empatiya, oilaga daxldorlik hissi bizning asosiy yutug‘imizdir.
Ajoyib o‘yin ko‘rsatdik. Ba’zilar boshqacha fikrda bo‘lishi mumkin, ammo darvozabonimiz APLning hujumkor jamoasiga qarshi ikkita seyv amalga oshirganini hisobga olsak, bu muvaffaqiyat demakdir.
Yigitlar bunga loyiq edi. Final yo‘lida biz fantastik trayektoriya bo‘ylab harakat qildik, A Seriyada ochko yo‘qotishimizga ham to‘g‘ri keldi, ammo endi finaldamiz va g‘alaba qozonishni istaymiz.
Abraham uni maqtamasligimni biladi. U yaxshiroq o‘ynay oladi va buni o‘zi ham biladi. Temmi ajoyib futbolchi va yanada kuchliroq o‘ynashga qodir. Hozir uni maqtamayman. Abraham nafaqat “Latsio”ga qarshi o‘yin yoki Yevrokubok finallarida, balki har bir o‘yinda jon kuydirishi lozim.
Agar ruxsat bersangiz, do‘stimga, buyuk murabbiy Karlettoga (Karlo Anchelotti) murojaat qilmoqchiman. Karlo, kel finallarda birga g‘alaba qozonamiz!
Joze Mourinyo, “Roma” bosh murabbiyi
Izoh (0)