Jahonga mashhur insonlarning eng hashamatli hamda millionlab dollar sarflangan nikoh to‘ylari (foto)

Ushbu juftliklar to‘y marosimini shu qadar keng miqyosda o‘tkazdilarki, muxlislar bu yorqin voqeani vaqti-vaqti bilan yodga olib turadi, deb yozadi Grazia.

Jastin Timberleyk va Jessika Bil — 6,5 million dollar (2012-yil)

Xonanda va aktrisa 2012-yil oktabr oyida turmush qurgan. Juftlik besh yil davomida uchrashib yurdi, ba’zi muxlislar esa ularni rasmiy nikohdan o‘tishiga ishonmagan. Ammo uzoq kutilgan marosim Italiya janubida bo‘lib o‘tdi. “Turmush qurish ajoyib. Marosim juda yaxshi o‘tdi”, — dedi yosh oila jurnalistlarga.

Jorj Kluni va Amal Alamuddin — 4,5 million dollar (2014-yil)

Dunyoning eng romantik shaharlaridan biri bo‘lgan Venetsiyada 2014-yilda aktyor Jorj Kluni Amal Alamuddin bilan turmush qurgan. 2014-yil 27-sentabrda bo‘lib o‘tgan to‘y uchun juftlik mehmonlarni go‘zal shahar bo‘ylab sayr qildiruvchi o‘nlab qayiqlarni ijaraga oldi. Guvohlarning ta’kidlashicha, gullardan va shamlardan iborat “badiiy” to‘y – Kluni va Alamuddin kabi ikki yulduz uchun juda mos keladi.

Sofia Vergara va Jo Manganello — 4 million dollar (2015-yil)

To‘y uchun juftlik 1 million dollarga gullar sotib oldi va yana shuncha pulning yarmini taomga sarfladi. Sofiya va Jo barcha taklif qilinganlardan sovg‘alar o‘rniga pulni xayriya ishlariga sarflashni so‘rashgan.

Kim Kardashyan va Kanye Uest — 2,8 million dollar (2014-yil)

Ushbu juftlik to‘y va qimmatbaho sovg‘alarni tashkil qilish uchun me’yordan oshmaslikka qaror qildi. 200 dan ortiq mehmonlar Florensiyaga taklif qilindi, u yerda ajoyib bayram tashkil etildi. Faqatgina Italiya qal’asi Belveder forti ijarasi yangi turmush qurganlarga yarim million dollarga tushdi, zallarni yangi gullar bilan bezash ham xuddi shu miqdorga teng. Yulduzli juftlik sinovlariga dosh bera olmaganiga qaramay, ko‘pchilik bu tantanani uzoq vaqt eslab yurishi shubhasiz.

Kristina Agilera va Jordan Bratman — 2 million dollar (2005-yil)

Qo‘shiqchi va musiqa prodyuseri Kaliforniyada turmush qurdi. Kristinaning to‘y libosi deyarli 100 ming dollarga tushdi. Yangi turmush qurganlar to‘y uchun mablag‘ni tejamaganliklari darhol ayon bo‘ldi. Katta xarajatlarga qaramay, Agilera, xuddi Vergara kabi, mehmonlardan hech qanday sovg‘a olmaslikni, aksincha, Amerika fondlaridan biriga xayriya ishlarini amalga oshirishni so‘radi. Afsuski, juftlikning nikohi ham 6 yilgina davom etdi.