Prezidentning “Jizzax viloyatida tabiatni muhofaza qilishga oid qonunchilik ijrosini ta’minlashning qo‘shimcha chora-tadbirlari to‘g‘risida”gi qarori qabul qilindi. Bu haqda O‘zA xabar qildi.
Qarorga ko‘ra, Jizzax viloyatining Zomin va Baxmal tumanlarida tabiatni muhofaza qilish, tabiiy hududlar egallagan yerlar va tabiiy resurslardan oqilona foydalanish, hududning ekologik holatini yaxshilash maqsad qilib olingan. Shunga ko‘ra Bosh prokuratura, Ekologiya va atrof-muhitni muhofaza qilish davlat qo‘mitasi hamda O‘rmon xo‘jaligi davlat qo‘mitasining Bosh prokuratura tizimida 8 nafar shtat birligidan iborat bo‘lgan Zomin tabiatni muhofaza qilishga oid qonunchilik ijrosi ustidan nazorat va yerlardan noqonuniy foydalanishni bartaraf etish bo‘yicha ixtisoslashtirilgan prokuratura tashkil etiladi.
Avvalroq “Markaziy Qizilqum” milliy tabiat bog‘i va “Oqtog‘-Tomdi” davlat qo‘riqxonasi tashkil etilgani xabar qilingandi. Shuningdek, O‘zbekiston Tabiatni muhofaza qilish xalqaro ittifoqiga a’zo bo‘lgani, Quyi Amudaryo davlat biosfera rezervati YUNESKO butunjahon biosfera qo‘riqxonalari tarmog‘iga kiritilgani haqida xabar berilgan.
Izoh (0)