Bugun,

  • USD 10940.05
  • RUB 182.26
  • EUR 11121.65

Qozog‘iston prezidenti Qosim-Jo‘mart To‘qayev 29-aprel kungi Qozog‘iston xalqi assambleyasi sessiyasida mamlakat konstitutsiyasiga o‘zgartirishlar kiritish masalasi bo‘yicha referendum o‘tkazishni taklif qildi.

Foto: “TASS”

Foto: “TASS”

“Konstitutsiyani umumxalq ovoz berish yo‘li bilan o‘zgartirish xalq xohishining yaqqol namoyishi bo‘lishiga ishonchim komil”, — dedi To‘qayev.

Uning ta’kidlashicha, “referendum har bir fuqaroga mamlakat taqdirini hal qilishda bevosita ishtirok etish imkonini beradi va har tomonlama demokratlashtirish hamda yangi Qozog‘istonni barpo etish yo‘lini mustahkamlaydi”.

Qozog‘iston prezidenti referendum eng muhim demokratik institut ekanini, biroq Qozog‘istonda u oxirgi marta 1995-yilda, amaldagi konstitutsiya tasdiqlangan paytda o‘tkazilganini eslatdi.

“Men konstitutsiyaga fundamental xususiyatga ega bo‘lgan va mamlakat siyosiy tizimini tubdan o‘zgartiradigan o‘zgartirishlar kiritish tashabbusi bilan chiqdim. Biz yangi davlat modeliga, davlat va jamiyat o‘rtasidagi hamkorlikning yangi formatiga o‘tmoqdamiz. Bunday o‘tishni ikkinchi respublika deb atasa ham bo‘ladi”, — deb tushuntirdi davlat rahbari.

Uning so‘zlariga ko‘ra, ishchi guruh asosiy qonunning 33 moddasiga – butun konstitutsiyaning uchdan bir qismiga o‘zgartirishlar tayyorlagan. Mazkur o‘zgartirishlarni kiritish to‘g‘risidagi qonun loyihasi Konstitutsiyaviy kengashga taqdim etilgan, u tez orada o‘z hukmini chiqaradi.

Qayd etilishicha, Qozog‘iston Konstitutsiyasiga kiritiladigan o‘zgartishlar prezidentning vakolatlarini qisqartirish, parlament va mahalliy vakillik organlarining rolini sezilarli darajada kuchaytirishni nazarda tutadi

Eslatib o‘tamiz, yanvar oxirlarida Qosim-Jo‘mart To‘qayev prezident lavozimda ikki muddatdan ortiq qolish niyati yo‘qligini ma’lum qilgan. “Qancha vaqt Qozog‘iston prezidenti bo‘lishimni bilmayman, lekin bir narsa aniqki, Konstitutsiyaga muvofiq ikki muddatdan ortiq (prezident — tah.) bo‘lmayman. Ya’ni qonunlar, ayniqsa, Konstitutsiya qayta yozilmaydi”, — degandi u.

26-aprel kuni To‘qayev mamlakatdagi hukmron Amanat (sobiq Nur Otan) partiyasi raisligidan ketdi.

Izoh
Asosiy yangiliklar
Dunyo
Sharqiy Quddusda keskinlik avjiga chiqmoqda (video)
Mahalliy
Ayol dasturchilar uchun mukofoti 8 000 dollarlik xakatonga arizalar qabuli boshlandi
Mahalliy
Narxi 16 ming dollar, vazni 200 kilogrammdan oshadi – “Naslli qo‘chqorlar ko‘rgazmasi”dan reportaj