22-aprel holatiga ko‘ra, Rossiyaning xalqaro zaxiralari 607,1 mlrd dollarni tashkil qilgan. Bir hafta avval, 15-aprelda bu ko‘rsatkich 611,1 mlrd dollarni tashkil qilgan. Bu haqda “Kommersant” xabar bermoqda.
15-apreldan 22-aprelgacha, hafta davomida zaxiralar 4 mlrd dollarga kamaydi.
G‘arbning Rossiyaga qarshi sanksiyalariga muvofiq Ukraina hududida harbiy maxsus operatsiya boshlanganidan keyin Rossiya Federatsiyasi oltin-valyuta zaxiralarining, taxminan, 300 mlrd dollari muzlatib qo‘yildi.
Ma’lumotlarga ko‘ra, 2022-yilda Rossiya yalpi ichki mahsulotning pasayishi 8,8 foizdan 12,4 foizgacha kuzatiladi. Inflyatsiya esa bazaviy prognozga ko‘ra, taxminan, 20,7 foizni tashkil etadi. Narxlarning o‘sishi 2023-yilda 6 foizdan oshishi kutilmoqda.
2023-yilda Rossiya yalpi ichki mahsulotning pasayish darajasini 1,9 foizgacha sekinlashtirishi mumkin. O‘sish faqat 2024-yilda kutilmoqda — 1,6 foiz.
Ekspertlar fikricha, 2026-yilga borib yalpi ichki mahsulot 1,9 foizga o‘sadi.
Avvalroq yaqin ikki yil davomida Rossiyada vaziyat juda og‘ir bo‘lishi e’lon qilingandi.
Izoh (0)