“PSJ” himoyachisi Serxio Ramos “Real”dan ketishi va parijliklar safidagi faoliyati haqida gapirib o‘tdi.
Avvaliga “PSJ”ga moslashish qiyin bo‘ldi. Uzoq yillar boshqa jamoada o‘ynadim, u yerda hamma narsani nazorat qilardim — klub, uy, bolalarning maktabi.Serxio Ramos 16 yillik faoliyatidan so‘ng 2021-yil iyun oyida “Real”ni tark etib, parijliklar safiga qo‘shilgandi. Himoyachi “PSJ” bilan 2 yillik shartnoma imzolagan. Mavsumning katta qismini jarohat sabab o‘tkazib yuborgan Ramos Fransiya chempionatida 9 ta o‘yinda ishtirok etib, 2 ta gol muallifiga aylangan.Parijdek ajoyib shaharga moslashish qiyin bo‘ldi. Uy topishga qiynaldik. Jamoaga hurmat bilan aytadigan bo‘lsam, moslashishda hech qanday muammo yo‘q, chunki bu yerdagi ba’zi futbolchilar bilan tanish edim. Masalan, Keylor Navas. U bilan “Real Madrid”da aqlbovar qilmaydigan va o‘ziga xos munosabatda edik, “PSJ”dagi uchrashuvimiz esa ko‘p narsalarni osonlashtirdi.
O‘zgarishlar, albatta, yaxshi. Bu sizga o‘zingiz ega bo‘lgan bilimlar bilan bir qatorda boshdan kechirgan narsalaringizni qadrlashni imkonini ham beradi. Ko‘p narsalarga kengroq qarash imkoniyatiga ega bo‘lasiz.
“PSJ” futbolkasida atigi bir necha soat maydonda bo‘ldim. Hozirda faoliyatimning eng yuqori cho‘qqisidaman va jamoaga hali ko‘p narsa bera olishimni ko‘rsatmoqchiman.
“Anjer”ga qarshi o‘yindagi gol nishonlashim qanday qurbonliklar qilganimning yaqqol ifodasi.
Serxio Ramos, “PSJ” himoyachisi
Izoh (0)