«ПСЖ» ҳимоячиси Серхио Рамос «Реал»дан кетиши ва парижликлар сафидаги фаолияти ҳақида гапириб ўтди.
Аввалига «ПСЖ»га мослашиш қийин бўлди. Узоқ йиллар бошқа жамоада ўйнадим, у ерда ҳамма нарсани назорат қилардим — клуб, уй, болаларнинг мактаби.Серхио Рамос 16 йиллик фаолиятидан сўнг 2021 йил июнь ойида «Реал»ни тарк этиб, парижликлар сафига қўшилганди. Ҳимоячи «ПСЖ» билан 2 йиллик шартнома имзолаган. Мавсумнинг катта қисмини жароҳат сабаб ўтказиб юборган Рамос Франция чемпионатида 9 та ўйинда иштирок этиб, 2 та гол муаллифига айланган.Париждек ажойиб шаҳарга мослашиш қийин бўлди. Уй топишга қийналдик. Жамоага ҳурмат билан айтадиган бўлсам, мослашишда ҳеч қандай муаммо йўқ, чунки бу ердаги баъзи футболчилар билан таниш эдим. Масалан, Кейлор Навас. У билан «Реал Мадрид»да ақл бовар қилмайдиган ва ўзига хос муносабатда эдик, «ПСЖ»даги учрашувимиз эса кўп нарсаларни осонлаштирди.
Ўзгаришлар, албатта, яхши. Бу сизга ўзингиз эга бўлган билимлар билан бир қаторда бошдан кечирган нарсаларингизни қадрлашни имконини ҳам беради. Кўп нарсаларга кенгроқ қараш имкониятига эга бўласиз.
«ПСЖ» футболкасида атиги бир неча соат майдонда бўлдим. Ҳозирда фаолиятимнинг энг юқори чўққисидаман ва жамоага ҳали кўп нарса бера олишимни кўрсатмоқчиман.
«Анжер»га қарши ўйиндаги гол нишонлашим қандай қурбонликлар қилганимнинг яққол ифодаси.
Серхио Рамос, «ПСЖ» ҳимоячиси
Изоҳ (0)